تجد باسشىسى باۋىرجان سىزدىقوۆتىڭ مالىمدەۋىنشە ورتالىق بازاردى تەكسەرۋ كەزىندە ءورت قاۋىپسىزدىگى بويىنشا 32 تالاپتىڭ بۇزىلعاندىعى انىقتالدى. ەۆاكۋاتسيالىق شىعۋ جولدارىنىڭ ىبىرسىپ تۇرعاندىعى, ارنايى ءورت تەحنيكاسىنىڭ بازارداعى عيماراتتار مەن قۇرىلىستارعا ءوتۋى قامتاماسىز ەتىلمەگەندىگى, ءورت دابىلىنىڭ اقاۋى بارى جانە ت.ب. بەلگىلى بولدى.
- ماۋسىم ايىنىڭ سوڭىندا مەرزىمى بىتەتىن بارلىق بۇزۋشىلىقتاردى جويۋ تۋرالى بۇيرىق بەرىلدى. بۇدان وزگە, اۋدانارالىق ەكونوميكالىق سوتقا بۇزۋشىلىقتى تولىقتاي جويعانعا دەيىن قىزمەتىن توقتاتۋعا قۋىنىم جىبەرىلدى.
وبلىس اكىمى بازار قىزمەتىن رەتتەۋ جانە باعا بەلگىلەۋ ماسەلەلەرىن, سونىڭ ىشىندە سانيتارلىق جانە ءورت قاۋىپسىزدىگىن قامتاماسىز ەتۋ جاعىن قاتاڭ باقىلاۋدا ۇستاۋدى تاپسىردى.
ەگەر جۇمىس جاساعىسى كەلسە ادامداردىڭ قاۋىپسىزدىگىن قامتاماسىز ەتسىن جانە بۇزۋشىلىقتاردى جويسىن. جويماسا - جاۋىپ تاستاسىن, - دەدى بەردىبەك ساپارباەۆ.
سونىمەن قاتار, وبلىس باسشىسى 2018-2019 جىلدارى پايدالانۋعا بەرىلەتىن «اقتوبە» يندۋستريالدى ايماعىنداعى 11 جاڭا ينۆەستيتسيالىق جوبالاردى ىسكە اسىرۋ بارىسىمەن تانىستى. بىرنەشە جوبالار بويىنشا ءالى قۇرىلىس-مونتاج جۇمىستارى باستالماسا دا «اقتوبە» اكك جەر ءبولۋ باسقا دا شارالاردى قامتاماسىز ەتۋ ءۇشىن ءوز مىندەتتەمەلەرىن ورىنداعان.
- 1 قىركۇيەك – سوڭعى مەرزىم. وسى ۋاقىتقا قۇرىلىسىن ىسكە قوسپاعانداردىڭ جەرى تارتىپ الىنادى, - دەپ وبلىس باسشىسى ينۆەستورلارعا ەسكەرتتى.
سونىمەن قاتار, بەردىبەك ساپارباەۆ اقتوبەدەگى بىرقاتار ماڭىزدى الەۋمەتتىك جانە وندىرىستىك نىسانداردىڭ, جىل بويعى «اسەم» لاگەرى, اكۆاپارك, نەكە سارايى, «Aنالارعا تاعزىم» مۇراجاي-ءۇيى, تاريحي-ولكەتانۋ مۋزەيى, مۇز ايدىنى سارايى, «Aزف» اۋدانىنداعى قالادان شىعاتىن وتپە جولىن جانە «كوكتاس-اقتوبە» اق سيليكات ونىمدەرىنىڭ زاۋىتىنىڭ قۇرىلىس بارىسىمەن تانىستى.
تەمىر قۇسايىن,
«ەگەمەن قازاقستان»
اقتوبە
