كينو • 18 مامىر، 2018

«ايكا» ءفيلمى كانن كينوفەستيۆالىنە قاتىسۋدا

322 رەتكورسەتىلدى

بەس بىردەي ەلدىڭ: رەسەي، قازاقستان، گەرمانيا، پولشا مەن قىتايدىڭ كينوونىمى بولىپ تابىلاتىن «ايكا» ءفيلمى 71-ءشى حالىقارالىق كانن كينوفەستيۆالىنىڭ نەگىزگى بايقاۋىنا قاتىسۋدا. اتالمىش كارتينادا باستى ءرولدى سامال ەسلياموۆا سومدايدى. ال پروديۋسەرلەر قاتارىندا Eurasia Film Production كينوكومپانياسىنىڭ نەگىزىن قالاعان گۇلنارا سارسەنوۆا دا بار. بۇل از دەسەڭىز، فيلم رەجيسسەرى – سەرگەي دۆورتسەۆويدىڭ دا كىندىك قانى وڭتۇستىك قازاقستاندا تامعان.  

– باسقا دا كارتينالاردى تۇسىرۋگە قاتار ۇسى­نىستار ءتۇ­سىپ جاتسا دا، ءبىر فيلممەن عانا اينا­لىسامىن. مەن قازىر بار­لىعىنان دا باس تارتتىم. ويتكەنى «اي­كانى» اياق­تاۋىم كەرەك. بۇگىندە تەك وسىمەن عانا اينا­لىسىپ وتىرمىن، – دەيدى كارتينا رەجيسسەرى.

ءبىر قىزىعى، بۇل كارتينا تولىق ءتۇسىرىلىپ بىت­پەي جاتىپ-اق كانن كينو­فەستيۆالىنىڭ باس­تى باي­قاۋىنا شاقىرىلدى. ىرىك­­تەۋشىلەر تولىق ءتۇسى­رىلىپ بىتپەگەن ءفيلمنىڭ ال­عاش­قى 40 مينۋتىن كورگەننەن كەيىن، بىردەن ونى كينوفەستيۆالگە قاتىستىرۋعا شەشىم قا­بىلداعان. 

فيلم ستسەناريىن جازعان گەننادي وستروۆ­سكي دە بىتپەگەن كارتينانىڭ كانن كي­نودوداسىنان تابىلۋىنىڭ ءوزى كوپ ءجايتتى اڭعارتاتىن العا تارتادى. 
ءتۇسىرۋ توبى تاعى ءبىر قۇپيانىڭ شەتىن اشىپ وتىر. اتالمىش كارتينا كينوفەستيۆالگە تەك 17 مامىردىڭ كەشىندە عانا جەتەدى. ال كينوفەستيۆال 19 مامىردا مارەگە جەتەتىندىگىن ەسكەرسەك، بۇل – وتە ۇلكەن تاۋەكەل. 

قازاقستاندىق پروديۋسەر گۇلنارا سارسەنوۆا سەرگەي دۆور­تسەۆويدىڭ 2008 جىلى كانن كينوفەستيۆالىنىڭ «ەرەك­شە كوزقاراس» باي­قا­ۋىن­دا باس جۇلدە العان «جاۋ­قازىن» دەپ اتالاتىن فيل­مىنە دە پروديۋسەرلىك ەت­كەن. ال اۋستراليادا بۇل فيلم «ازيالىق وسكار» يەم­دەنسە، باسقا دا 20 شاق­تى كينو­فەس­تيۆالدە ءتۇرلى اتاۋ­لى جۇل­دەلەردى جەڭىپ الدى. 

«ايكا» الەۋمەتتىك كي­نو­دراماسى ماسكەۋدە جۇ­مىس ىستەپ جۇرگەن قىرعىز قىزىنىڭ ىشكى قاراما-قايشىلىقتارىمەن كۇرەسىن، رۋحىن ايگىلى ەتەدى. باستى رولدە وينايتىن سامال ەسلياموۆا سولتۇستىك قازاقستان وبلىسىندا دۇنيەگە كەلگەن. پەتروپاۆلداعى ونەر كوللەدجىن اياقتاعان سوڭ، گيتيس-كە قابىلدانادى. سامال سەرگەي دۆورتسەۆويدىڭ «جاۋقازىن» فيلمىندە باستى رولدەردىڭ ءبىرىن بەينەلەگەن بولاتىن.

ايناش ەسالي،
«ەگەمەن قازاقستان»

الماتى

سوڭعى جاڭالىقتار

انا ءتىلى – ارىڭ بۇل...

رۋحانيات • كەشە

اباي مۇراسى ماڭگىلىك

اباي • 22 اقپان، 2020

قىلمىستىق ءىس قوزعالدى

ايماقتار • 22 اقپان، 2020

ماڭعىستاۋدا «ANTIKOR ORTALYGY» اشىلدى

رۋحانيات • 22 اقپان، 2020

تەننيس: ەلەنا رىباكينا فينالدا

تەننيس • 22 اقپان، 2020

باستى اقپارات (21.02.2020)

ۆيدەو • 21 اقپان، 2020

ۇقساس جاڭالىقتار