پرەزيدەنت • 17 مامىر، 2018

ەلباسى ستيۆ ۆوزنياكپەن كريپتوۆاليۋتالاردى دامىتۋ پەرسپەكتيۆالارىن تالقىلادى

165 رەتكورسەتىلدى

مەملەكەت باسشىسى نۇرسۇلتان نازارباەۆ «Apple» كومپانياسىنىڭ نەگىزىن قالاۋشىلاردىڭ ءبىرى ستيۆ ۆوزنياكپەن كەزدەستى، دەپ حابارلادى پرەزيدەنتتىڭ ءباسپاسوز قىزمەتى.

 

نۇرسۇلتان نازارباەۆ اس­تانا ەكونوميكالىق فورۋمى­نا قاتىسۋعا كەلگەنى ءۇشىن س.ۆوز­نياكقا ريزاشىلىق ءبىلدىرىپ، ونىڭ پلە­نارلىق وتىرىستا سويلەگەن ءسوزى­نىڭ مازمۇندى ءارى وزەكتى بول­عانىن ايتتى.

قازاقستان پرەزيدەنتى ەميس­سيالىق ورتالىقتار ارقى­لى باقىلانبايتىن كريپتوۆاليۋ­تا­لاردىڭ پايدا بولۋ سەبەبى الەمدە ءبىر عانا ۆاليۋتانىڭ ۇستەمدىك ەتۋىنە بايلانىستى ەكەنىن ايتتى. مەملەكەت باسشىسى قازاقستان ەسەپ ايىرىسۋ كەزىندە ۇلتتىق ۆاليۋتامەن قاتار باسقا دا ۆاليۋتالاردى پايدالاناتىنىن اتاپ ءوتتى.

س.ۆوزنياك وسىنداي جوعارى دەڭگەيدەگى ءىس-شاراعا قاتىسۋعا، جاھاندىق سىن-تەگەۋرىندەرگە قاتىستى ءوز ويىن ورتاعا سا­لۋ­عا مۇمكىندىك بەرگەنى ءۇشىن نۇر­سۇل­تان نازارباەۆقا العىس ءبىلدىردى.

– ۆاليۋتالاردىڭ سىمسىز باي­لانىستان ايىرماشىلىعى، ەش­قاشان ۋنيۆەرسالدى بولعان ەمەس. دەي تۇرعانمەن، كريپ­تو­ۆا­ليۋ­تالاردىڭ ۇلكەن ارتىق­شى­لىعى ولار­دىڭ باقى­لاۋ­عا الىنبايتىن­دى­عىندا، دامۋى­نىڭ تەجەلمەي­تىن­دىگىندە جانە ۋنيۆەرسالدى ءارى جا­ھاندىق ۆا­ليۋتاعا اينالا­تىن­دىعىندا، – دەدى كومپانيا جەتەكشىسى.

كەزدەسۋ بارىسىندا تاراپ­تار تسيفر­لاندىرۋدىڭ جەكەلەگەن ما­سەلەلەرىن جانە كريپتوۆاليۋتالاردى دامىتۋ پەرسپەكتيۆالارىن تالقىلادى.

سوڭعى جاڭالىقتار

باسىلىم باسشىلارى - ەركىن قىدىر (1962)

باسىلىم باسشىلارى • كەشە

ۇقساس جاڭالىقتار