وعان اتىراۋداعى «فاريزا جۇلدىزدارى» كلۋبى مۇشەلەرىنىڭ شىعارمالارى ەنگەن. اتالعان كلۋب ەكى جىل بۇرىن قۇرىلعان ەدى. جايىق جاعاسىنداعى جاسامپاز جاستاردىڭ ادەبيەت الەمىنە اتتاعان العاشقى قادامدارى وڭ بولىپ, ءتۇرلى ادەبي بايقاۋلاردا جۇلدەگەر اتاندى, مەرزىمدى باسىلىمداردا تۋىندىلارى جاريالانىپ كەلەدى. قازىردىڭ وزىندە ۇلمەكەن شاۋكەنوۆا, ايگەرىم تۇسىپقاليەۆا, راحىمجان اسقار, اسىلانبەك شىعىروۆ, راببينا باتۋ, ەركەناز قاليجان, اسىلاي نيازباەۆا سەكىلدى جاس اقىندار وقىرماننىڭ جىلى ىقىلاسىنا يە بولىپ ءجۇر. حالىقارالىق «شابىت» شىعارماشىل جاستار فەستيۆالىنىڭ جۇلدەگەرلەرى باقىتگۇل سارمەكوۆا, نۇرگۇل ىسماعۇلوۆا, ناركەس بالتوعاەۆالاردىڭ دا اڭگىمەلەرى جيناققا ەنگەن.
-بۇرىن اتىراۋدا «جاسداۋرەن» اتتى ادەبي بىرلەستىك قۇرىلعان. مەڭدەكەش ساتىبالديەۆ, فاريزا وڭعارسىنوۆا, قادىر ءجۇسىپ سەكىلدى اعا-اپالارىمىز سول بىرلەستىكتىڭ قاتارىندا بولدى. سونىڭ ىزىندە «فاريزا جۇلدىزدارى» اتتى جاس قالامگەرلەر كلۋبىن اشتىق. بۇل ەلباسىنىڭ «رۋحاني جاڭعىرۋ» باعدارلاماسى اياسىندا قولعا الىنعان يگى ىستەردىڭ ءبىرى, - دەيدى كلۋب جەتەكشىسى, اقىن ءاليا داۋلەتباەۆا. - «الاۋجىر» انتولوگياسىنا كلۋب قۇرامىنداعى 25 اقىن-جازۋشىنىڭ شىعارمالارى كىردى. جاستىق اۋەندەرى وقىرماندى بەي-جاي قالدىرمايدى دەگەن ويدامىز.
ع.سلانوۆ اتىنداعى وبلىستىق عىلىمي-امبەباپ كىتاپحاناسىندا انتولوگيانىڭ رەسمي تانىستىرىلىمى ءوتتى. قوعام قايراتكەرى, «اتىراۋ وبلىسىنىڭ قۇرمەتتى ازاماتى» ءمادينا عابدۋساليموۆا مەن قر جازۋشىلار وداعىنىڭ مۇشەسى وتەپبەرگەن الىمگەرەەۆ جاڭا كىتاپتىڭ لەنتاسىن قيۋ قۇرمەتىنە يە بولدى. شارادا ايماقتاعى زيالى قاۋىم وكىلدەرى, قوعام قايراتكەرى ءراشيلا مۇرساليەۆا, اقىندار جەڭىس ارونوۆ, تولەگەن جاڭاباەۆ, ولكەتانۋشى ابات كەنجەعاليەۆتەر جاستارعا جىلى لەبىزدەرىن ارنادى.
باقىتگۇل باباش,
«ەگەمەن قازاقستان»
اتىراۋ
