الەۋمەتتىك-ەكونوميكالىق دامۋ قورىتىندىسى جانە 2018 جىلعى قاڭتار-ءساۋىر ايىنداعى ەكونوميكانىڭ نىسانالى ءوسۋ ينديكاتورلارىنىڭ اتقارىلۋى تۋرالى ەكونوميكا جانە بيۋدجەتتىك جوسپارلاۋ باسقارماسى باسشىسىنىڭ مىندەتىن اتقارۋشى حاليلا نۇرعاليەۆا باياندادى.
ماڭعىستاۋ وبلىسىندا اعىمداعى جىلدىڭ قاڭتار-ءساۋىر ايلارىندا قىسقا مەرزىمدى ەكونوميكالىق ينديكاتور 103,2% قۇرادى (2017 جىلعى قاڭتار-ساۋىردە 99,1%). ونەركاسىپ ءونىمىنىڭ كولەم يندەكسى – 101,5%, وندىرىلگەن ءونىم – 910,0 ملرد. تەڭگە. 2018 جىلدىڭ 4 ايى ىشىندە 38,8 ملرد.تەڭگەگە قۇرىلىس جۇمىستارى جۇرگىزىلگەن, بۇل كورسەتكىش 2017 جىلعى قاڭتار-ساۋىردە - 29,2 ملرد. تەڭگە بولعان ەدى.
كاسىپكەرلىكتى قولداۋ كارتاسىنىڭ شەڭبەرىندە اعىمداعى جىلى جالپى سوماسى 11,5 ملرد. تەڭگە بولاتىن 4 جوبا جوسپارلانعان, بۇل جوبالار بويىنشا جالپى سانى 223 جاڭا جۇمىس ورنى قۇرىلادى دەپ مەجەلەنەدى. جاڭا جوبالار قاتارىندا پوليمەرلىك قاپتاماسىن ءوندىرۋ زاۋىتى, جيھاز جانە پلاستيكالىق تەرەزەلەردى دايىنداۋعا ارنالعان وندىرىستىك تسەح, كابەلدەر مەن ترانسفورماتورلار وندىرەتىن زاۋىت, كۇن جانە جەل ەلەكتر ستانتسياسى بار. جوبانىڭ ءبىرى - مۇنايلى اۋدانىنىڭ باتىر اۋىلىندا قۇنى 1,2 ملرد. تەڭگە بولاتىن قۋاتتىلىعى 2 مۆت كۇن جانە جەل ەلەكتر ستانتسياسى قۇرىلىسى اياقتالىپ, پايدالانۋعا بەرىلگەن بولاتىن. جاڭا نىسان 10 ادامدى جۇمىسپەن قامتىدى.
گۇلايىم شىنتەمىرقىزى,
«ەگەمەن قازاقستان»
ماڭعىستاۋ وبلىسى
