كەزدەسۋ بارىسىندا ايب-پەن ىنتىماقتاستىقتى دامىتۋ جانە ەل ەكونوميكاسىنىڭ ءارتۇرلى سالالارىندا بىرلەسكەن ينفراقۇرىلىمدىق جوبالاردى جۇزەگە اسىرۋ ماسەلەلەرى تالقىلاندى. قارجىلاندىرۋدىڭ باسىم باعىتتارى رەتىندە ەنەرگەتيكا, كولىك, لوگيستيكا, قالا جانە اۋىل ينفراقۇرىلىمى جانە ت.ب. سالالار اتالدى. قازاقستاننىڭ ورتالىق ازيا ايماعىنداعى ماڭىزدى لوگيستيكالىق جانە كولىك حابى رەتىندەگى ءرولىن ەسكەرە وتىرىپ, ايب-تىڭ «نۇرلى جول» باعدارلاماسى اياسىندا كولىك سەكتورىنا قاتىسۋ مۇمكىندىكتەرى تالقىلاندى.
سونداي-اق, قازاقستان مەن ايب اراسىندا ينفراقۇرىلىمدىق ينۆەستيتسيالار جانە قازاقستاندا ايب وڭىرلىك وكىلدىگىن قۇرۋ ماسەلەلەرى بويىنشا شەكتى كەلىسىم جاساسۋدىڭ بىرلەسكەن جوسپارلارى قارالدى. بۇگىنگى تاڭدا ەلىمىزدە دب, ادب, ەققدب, يدب جانە ت.ب. سەكىلدى حالىقارالىق قارجى جانە كوپجاقتى دامۋ ينستيتۋتتارىنىڭ وكىلدىكتەرى بار. «استانا» حالىقارالىق قارجى ورتالىعى بانكتىڭ ءوفيسىن اشاتىن باستى الاڭ رەتىندە تاڭدالدى.
