كەزدەسۋ بارىسىندا ەنەرگەتيكا, كولىك جانە لوگيستيكا, تۋريزم, مادەنيەت, دەنساۋلىق ساقتاۋ جانە ءبىلىم بەرۋ سالالارىندا ەكى ەل اراسىنداعى ءوزارا ءتيىمدى ساۋدا-ەكونوميكالىق ىنتىماقتاستىقتى تەرەڭدەتۋ, جاڭا باعىتتاردا ءوزارا تاۋار اينالىمىن كەڭەيتۋ, حيميا ونەركاسىبى, ماشينا جاساۋ, قۇرىلىس, اۋىل شارۋالىشىعى سالالارىندا قازاقستاندىق وڭدەلگەن جانە شيكىزات ونىمدەرىنىڭ, سونداي-اق قازاقستاندىق استىق ەكسپورتىن ۇلعايتۋ ماسەلەلەرى تالقىلاندى. ەكى مەملەكەتتىڭ مەملەكەتتىك ورگاندارى, وڭىرلەرى مەن بيزنەس قاۋىمداستىقتارى اراسىنداعى ءوزارا ءىس-قيمىل ماسەلەلەرى, گرۋزين كومپانيالارىنىڭ «استانا» حالىقارالىق قارجى ورتالىعىنىڭ جۇمىسىنا بەلسەندى قاتىسۋى ماسەلەلەرى قارالدى.
سونداي-اق, ينۆەستيتسيالىق ىنتىماقتاستىقتى دامىتۋ ماسەلەسىنە كوپ كوڭىل ءبولىندى. سوڭعى 12 جىلدا گرۋزيا ەكونوميكاسىنا سالىنعان قازاقستاندىق ينۆەستيتسيالاردىڭ كولەمى $406 ملن-نان استى, گرۋزيادان قازاقستانعا سالىنعان تىكەلەي ينۆەستيتسيالاردىڭ جالپى اعىنى $45,9 ملن قۇرادى.
قازاقستاندىق كومپانيالار «گرۋزيا تەمىر جولدارىنا» ەلەكتروۆوزدار جانە تبيليسيدەگى اۆتوبۋس پاركىن جاڭارتۋعا قازاقستاندىق اۆتوبۋستاردى جەتكىزۋگە دايىن. Kazakh Export گرۋزياعا ەكسپورتتىق-ساقتاندىرۋ باعدارلاماسى بويىنشا ۇزاقمەرزىمدى ساۋدا قارجىلاندىرۋىن جانە ءوزارا ءتيىمدى جوبالاردى بىرلەسىپ جۇزەگە اسىرۋدى ۇسىنادى.
