قازىر وبلىستا 120-دان استام ۇكىمەتتىك ەمەس ۇيىم بەلسەندى جۇمىس ىستەيدى. كەزدەسۋدە قوعامداعى ماڭىزدى ماسەلەلەردى شەشۋگە ۇكىمەتتىك ەمەس ۇيىمداردىڭ الەۋەتىن تارتۋ جايى ءسوز بولدى. ۇەۇ وكىلدەرى وبلىستا ازاماتتىق قوعام ينستيتۋتىن دامىتۋ مەن قولداۋ باعىتىندا جۇرگىزىلگەن شارالار تۋرالى باياندادى. قوعامدىق ۇيىمداردىڭ وكىلدەرىن ەكولوگيا, تسيفرلاندىرۋ, ۇلتتىق قۇندىلىقتاردى ساقتاۋ, ءبىلىم بەرۋدى دامىتۋ ماسەلەلەرى تولعاندىردى.
اتىراۋ وبلىسىنىڭ اكىمى نۇرلان نوعاەۆ ازاماتتىق قوعام ينستيتۋتى وكىلدەرىنىڭ ايماقتىڭ الەۋمەتتىك-ەكونوميكالىق دامۋىن جاقسارتۋ جايلى بارلىق تىلەكتەرى مەن ۇسىنىستارىن تىڭدادى. اشىق ديالوگ بارىسىندا ۇەۇ جۇمىستارىنداعى پروبلەمالار, ماقساتتار مەن كەلەشەگى تۋرالى سىندارلى سۇقباتتاسۋ بولدى.
كەزدەسۋدى قورتىندىلاعان ايماق باسشىسى ۇكىمەتتىك ەمەس ۇيىمداردىڭ سانى كوبەيۋىمەن بىرگە ازاماتتىق بەلسەندىلىك ارتىپ كەلە جاتقانىن اتاپ ايتتى. ول ءوز كەزەگىندە وبلىستىڭ الەۋمەتتىك ماسەلەلەرىنىڭ شەشىلۋىنە وڭ ىقپال ەتەدى. كەزدەسۋدى ۇيىمداستىرۋشىلار ۇكىمەتتىك ەمەس ۇيىم وكىلدەرىن جاقىندا قۇرىلعان ازاماتتىق ورتالىقپەن بەلسەندى ارەكەتتە بولۋعا شاقىردى. ورتالىقتىڭ ماقساتى - ۇەۇ مەن مەملەكەتتىك ورگاندار اراسىندا ءوزارا بايلانىستى ۇيىمداستىرۋ, اتالعان ۇيىمداردىڭ جۇمىس ساپاسىن ارتتىرۋ.
