جاس ۇرپاققا ارنالعان مەرەكەلىك شارا وسىمەن ەكىنشى جىل وتكىزىلىپ وتىر. «جاس ۇلان» ۇيىمىنىڭ ماقساتى: وسكەلەڭ ۇرپاقتى پاتريوتتىققا, ءبىلىم مەن ءوزىن-ءوزى جەتىلدىرۋگە دەگەن قۇشتارلىققا, وتان تاريحىنا, تاۋەلسىز قازاق ەلىنىڭ بۇگىنى مەن بولاشاعىنا دەگەن جاۋاپكەرشىلىككە تاربيەلەۋ.
ەلباسى ن.نازارباەۆتىڭ «بولاشاققا باعدار: رۋحاني جاڭعىرۋ» باعدارلاماسىنىڭ شەڭبەرىندە ۇيىمداستىرىلعان اتاۋلى كۇن بيىل ەلوردانىڭ 20 جىلدىق مەرەيتويىنا وراي «اسقاقتاعان استانام!» تاقىرىبىمەن ءوتتى.
اۋقىمدى شارانىڭ بارىسىندا «جاس ۇلاننىڭ» قاتارىنا جاڭا مۇشەلەر الىنىپ, ولار انت قابىلدادى. كوپشىلىك مەرەكەلىك كونتسەرتپەن قاتار, جاس ونەرتاپقىشتاردىڭ كورمەسىن, سپورتتىق جارىستاردى تاماشالادى.
«جاس ۇلاننىڭ» مىندەتى – قازاق حالقىنىڭ ءتىلىن, مادەنيەتىن, تاريحىن ءبىلۋ نەگىزىندە وسكەلەڭ جاس ۇرپاقتىڭ بويىندا رۋحاني-ادامگەرشىلىكتى قالىپتاستىرۋ, بالالار مەن جاسوسپىرىمدەردىڭ ازاماتتىق بەلسەندىلىگى مەن سانالىلىعىن ارتتىرۋ, تانىمدىق جۇمىستاردى ىنتالاندىرۋ, بالالار مەن جاسوسپىرىمدەردىڭ زياتكەرلىك, شىعارماشىلىق جانە الەۋمەتتىك دامۋى ءۇشىن جاعداي جاساۋ, جاۋاپكەرشىلىك پەن ەڭبەكسۇيگىشتىكتى قالىپتاستىرۋعا, كوشباسشىلىق جانە ۇيىمداستىرۋشىلىق قابىلەتتەرىن دامىتۋعا باعىتتالعان شارالار ەكەنىن ەسكەرسەك, اتاۋلى كۇن دە وسى ماقساتتى كوزدەگەن يگى شارالارعا تولى بولدى. سالتاناتتارعا ەلىمىزدىڭ دامۋىنا ۇلەس قوسقان, وسكەلەڭ ۇرپاققا كورسەتەر ۇلگىسى, ايتار اقىلى مول تۇلعالار, ۇزدىك وتباسىلار, قۇرمەتتى ازاماتتار ارنايى قاتىستى.
قايرات ءابىلدا,
«ەگەمەن قازاقستان»
قاراعاندى
