جۇزدەسۋ بارىسىندا ن.نىعماتۋلين ەۋروپالىق وداقپەن ىنتىماقتاستىقتاعى قازاقستاننىڭ سىرتقى ساياساتىنىڭ ستراتەگيالىق باسىمدىقتاردىڭ ءبىرى ەكەنىن اتاپ ءوتتى.
ورتالىق ازيا بويىنشا ەۋروپالىق وداقتىڭ ستراتەگياسى شەڭبەرىندەگى ءىس-قيمىلعا نازار اۋدارعان ءماجىلىس توراعاسى وسى رەتتە مەملەكەت باسشىسىنىڭ قاۋىپسىزدىكتى نىعايتۋعا باعىتتالعان اۋقىمدى باستامالارىنا توقتالدى.
سونىمەن بىرگە ن.نىعماتۋلين ىنتىماقتاستىق تۋرالى جاڭارتىلعان ەۋروپالىق وداق ستراتەگياسىن قابىلداۋ بىرلەسكەن ءوزارا ءتيىمدى جوبالاردى ىسكە اسىرۋ ءۇشىن جاڭا مۇمكىندىكتەر اشاتىنىنا سەنىم ءبىلدىردى.
ءوز كەزەگىندە, يۆەتا گريگۋلە ەۋروپالىق وداق قازاقستاندى اسا ماڭىزدى ارىپتەس رەتىندە سانايتىنىن جەتكىزدى.
ي.گريگۋلە قازاقستان پرەزيدەنتىنىڭ كەلىسپەۋشىلىكتەردى تەك قانا كەلىسسوزدەر جولىمەن شەشۋگە باعىتتالعان ساياساتىنىڭ ماڭىزدىلىعىن اتاي وتىرىپ, ءبىزدىڭ ەلىمىزدىڭ سيريا ماسەلەسىن شەشۋدە, سونداي-اق اۋعانستانداعى جاعدايدى تۇراقتاندىرۋ باعىتىنداعى قازاقستاننىڭ قوسىپ وتىرعان ۇلەسى جاقسى ۇلگى كورسەتكەنىن اتاپ ءوتتى.
ي.گريگۋلە ەۋروپالىق وداق ءبىزدىڭ ەلىمىزدىڭ بۇۇ قاۋىپسىزدىك كەڭەسىنە تۇراقتى ەمەس مۇشەلىگىن, سونداي-اق ازيادا عانا ەمەس, الەمدىك قاۋىپسىزدىكتى قامتاماسىز ەتۋدەگى قازاقستاننىڭ ءرولىن جوعارى باعالاپ, قازاقستان پرەزيدەنتىنىڭ بەس الەۋمەتتىك باستاماسىنا ايرىقشا كوڭىل ءبولدى.
سونداي-اق, تاراپتار پارلامەنتارالىق ۇنقاتىسۋدى دامىتۋ قاجەتتىگىنە توقتالدى. ايتا كەتۋ كەرەك, بۇل تۋرالى بۇگىن پارلامەنت ماجىلىسىندە قازاقستاننىڭ ەۋروپالىق وداق پەن پارلامەنتارالىق ىنتىماقتاستىق جونىندەگى كوميتەتىنىڭ 15-وتىرىسى ءوتتى. وندا حالىقارالىق دەڭگەيدەگى ماڭىزدى ماسەلەلەر تالقىلاندى.
بۇدان باسقا, ەكونوميكالىق جانە الەۋمەتتىك رەفورمالار, ينۆەستيتسيالىق تارتىمدىلىقتى ارتتىرۋ, ەنەرگەتيكالىق قاۋىپسىزدىكتى قامتاماسىز ەتۋ, وڭىرلىك ىنتىماقتاستىقتى كۇشەيتۋ ماسەلەلەرىنە دە كوڭىل اۋدارىلدى.
