ءىس-شاراعا اقپارات جانە كوممۋنيكاتسيالار ۆيتسە-ءمينيسترى نۇرگۇل ماۋبەرلينوۆا, «Qazcontent» اق توراعاسى ەۆگەني كوچەتوۆ جانە «Qazcontent» اق «قازاقستان تاريxى», «ادەبيەت» پورتالدارىنىڭ باس رەداكتورى ولجاس بەركىنباەۆ قاتىستى.
جيىن بارىسىندا نۇرگۇل ماۋبەرلينوۆا وتىنىشتەردى قابىلداۋ ەرەجەسى مەن بايقاۋعا كەلىپ تۇسكەن شىعارماشىلىق جۇمىستار قالاي ىرىكتەلەتىنىن ايتتى. وسى جىلى بايقاۋ 12 نوميناتسيا بويىنشا وتەدى جانە تاعى ءبىر ەكپەريمەنتتىك نوميناتسيا قوسىلىپ وتىر.
«نوميناتسيالار تۋرالى كوپ ويلاندىق. ەڭ ۇزدىك بلوگرەلەر مەن ۆاينەرلەردى سونداي-اق ەڭ تانىمال پابليك پەن جىل حايپىن انىقتاساق دەگەن وي بار. ءادىل بولسىن دەگەن نيەتپەن وقىرماندار وزدەرى تاڭداسىن دەگەن شەشىمگە كەلدىك. سول سەبەپتى قوسىمشا قانداي نوميناتسيا بولاتىنىن داۋىس بەرۋ ارقىلى انىقتاماقپىز. مۇنىڭ ەشقانداي قيىندىعى جوق, تەك urker.el.kz سايتىنا كىرىپ, قاي نوميناتسيانى قولدايتىنىڭىزدى داۋىس بەرۋ ارقىلى تاڭداي الاسىز», دەدى ەۆگەني كوچەتوۆ.
«ۇركەر» بايقاۋىنا قاتىسۋ ءۇشىن el.kz. سايتىنا تومەندەگى نوميناتسيالار بويىنشا وتىنىشتەر جىبەرە الاسىزدار: 1) ۇزدىك فوتوسۋرەت; 2) ۇزدىك رەپورتاج; 3) ۇزدىك ساراپتامالىق ماتەريال; 4) ۇزدىك جۋرناليستىك زەرتتەۋ; 5) ۇزدىك سۇحبات; 6) قازاقستان تۋرالى ۇزدىك تانىمدىق ماتەريال; 7) ۇزدىك حالىقارالىق تالدامالى ماتەريال; 8) ۇزدىك وڭىرلىك راديوستانسا; 9) ۇزدىك وڭىرلىك مەرزىمدى باسىلىم; 10) ۇزدىك قازاقستاندىق راديوستانتسيا; 11) ۇزدىك ينتەرنەت-باسىلىم; 12) ۇزدىك رەسپۋبليكالىق مەرزىمدى باسىلىم
قازىلار القاسى قۇرامىنا تانىمال قوعام قايراتكەرلەرى مەن شىعارماشىلىق ينتەلليگەنتسيا وكىلدەرى, جۋرناليستيكا سالاسىنىڭ مايتالمان ماماندارى كىرەدى. بايقاۋدىڭ لاۋرەاتى اتانعان جۋرناليستەرگە ەستەلىك ءمۇسىن مەن قارجىلاي جۇلدەلەر تابىستالادى. ءاربىر جەڭىمپاز 1 000 000 تەڭگە كولەمىندە اقشالاي سىيلىق پەن ءداستۇرلى ەستەلىك مۇسىنگە يە بولادى.
ءباسپاسوز, راديو جانە ينتەرنەت-جۋرناليستيكا سالاسىنداعى «ۇركەر» ۇلتتىق سىيلىعى بىلتىر العاش رەت قر اقپارات جانە كوممۋنيكاتسيالار مينيسترلىگىنىڭ باستاماسىمەن وتكەن بولاتىن. ۇلتتىق سىيلىقتى ۇيىمداستىرۋشى – «Qazcontent» اق.
ۇلتتىق پرەميا ءباسپاسوز, راديو جانە ينتەرنەت-جۋرناليستيكا سالاسىنداعى ۇزدىك جەتىستىگى ءۇشىن بەرىلەدى, بۇل ماراپات وڭىرلەردە مۋلتيمەديالىق جۋرناليستيكانى دامىتۋعا, جۋرناليستەردىڭ بەدەلىن ارتتىرۋعا, جۋرناليستيكانى ناسيحاتتان ەرەكشەلەيتىن كاسىبي ستاندارتتار مەن تالاپتاردى بەكىتۋگە, سونداي-اق قوعامنىڭ ازاماتتىق بەلسەندىلىگىن ارتتىرۋعا باعىتتالعان.
سىيلىقتىڭ نەگىزگى ماقساتى – تالانتتى جۋرناليستەر مەن ۇزدىك شىعارماشىلىق ۇجىمداردى انىقتاۋ, ولاردىڭ كاسىبي جۋرناليستيكانى دامىتۋعا قوسقان ۇلەستەرىن سارالاۋ جانە شىعارماشىلىق ادامدارىنىڭ ەلەۋلى ەڭبەگىنە قوعام نازارىن اۋدارۋ.
بايقاۋعا شىعارماشىلىق جۇمىستارى 2017 جىلى جاريالانعان ءباسپاسوز رەداكتسيالارى مەن ينتەرنەت-باق وكىلدەرى سونداي-اق راديوستانتسيالاردىڭ جۋرناليستەرى قاتىسا الادى.
