كەزدەسۋ بارىسىندا قازاقستان-وزبەكستان قاتىناستارىنىڭ كەڭ اۋقىمىن نىعايتۋ جانە دامىتۋ, ساۋدا-ەكونوميكالىق, وڭىرلىك جانە شەكارا ماڭى ىنتىماقتاستىعىن كەڭەيتۋ, كولىك سالاسىنداعى ءوزارا ءتيىمدى جوبالاردى جۇزەگە اسىرۋ, عىلىم, ءبىلىم, مادەنيەت, ونەر, تۋريزم جانە سپورت سالاسىنداعى ءوزارا ءىس-قيمىلدى جانداندىرۋ ماسەلەلەرى تالقىلاندى. سونداي-اق, قازاقستانداعى وزبەكستان جىلى جانە ەكى ەل اراسىنداعى وڭىرارالىق ىنتىماقتاستىقتىڭ ءبىرىنشى فورۋمى اياسىندا شارالاردى ۇيىمداستىرۋ جانە وتكىزۋ ماسەلەلەرى تالقىلاندى.
باقىتجان ساعىنتاەۆ سايديكرام نيازحودجاەۆتى قازاقستانداعى توتەنشە جانە وكىلەتتى ەلشى لاۋازىمىنا تاعايىندالۋىمەن قۇتتىقتاپ, ونىڭ تاجىريبەسى, ءبىلىمى مەن كاسىپقويلىعى ەكى ەل اراسىنداعى قارىم-قاتىناستى ودان ءارى نىعايتۋعا سەپتىگىن تيگىزەتىنىنە سەنىم ءبىلدىردى.
