ء«ادامجۇسىپ» قويىلىمىن» وقۋ ورنىنىڭ گۋمانيتارلىق-پەداگوگيكالىق فاكۋلتەتى نەگىزىندە قۇرىلعان «مۇراگەر» شىعارماشىلىق ستۋدەنتتىك بىرلەستىگى دايىنداپ, ۇيىمداستىردى. پەسانىڭ اۆتورى – فيلولوگيا عىلىمدارىنىڭ دوكتورى, پروفەسسور ايتمۇحامبەت تۇرىشەۆ.
قويىلىم ءماشھۇر ءجۇسىپتىڭ ءومىرى مەن شىعارماشىلىعىنىڭ قالىپتاسۋىن درامالىق كورىنىستەر ارقىلى باياندايتىن 7 بولىمنەن تۇرادى. تاريحشى, ادەبيەتشى عالىمداردىڭ ايتۋىنشا, ءماشھۇر ءجۇسىپ (1858-1931) جاس كەزىندە بۇقاراداعى «كوكلان» مەدرەسەسىندە وقىپ, اراب, پارسى, تىلدەرىن جاقسى بىلگەن, 5 جاسىنان باستاپ اۋىل مولداسىنان ءبىلىم الادى. قازاق اۋىز ادەبيەتى بايلىعىمەن ەرتە تانىسىپ, حالىقتىق جىر-داستانداردى جاتتاپ وسەدى. ءماشھۇر ءجۇسىپ سامارقانعا, تاشكەنتكە, تۇركىستانعا, بۇقاراعا بارادى. اراب, پارسى تىلدەرىن ۇيرەنىپ, شىعىستىڭ كلاسسيكالىق ادەبيەتىمەن جەتە تانىسادى. اباي, شاكارىمدەرشە قۇران-كارىم فيلوسوفياسىن, قوجا احمەت ياساۋي ءىلىمىن تەرەڭ زەرتتەگەن.
ال, ءماشھۇر-ءجۇسىپ تۋعاندا ىزمۇحاممەد ابىز: – بۇل شىراعىم جۇما كۇنى تۋدى. اتامىز ادام اتا جارالعان كۇن. اتى – ءادامجۇسىپ بولسىن! – دەپتى.
پەسانىڭ ساحنالاناۋى كورەرمەندەردىڭ كوڭىلىنەن شىقتى. تاريحشى عالىم قايرات باتتالوۆتىڭ ايتۋىنشا, بۇل ونەر ارقىلى جاستاردىڭ ساناسىنا اسەر ەتىپ, حالقىمىزدىڭ رۋحانياتىن جانداندىرۋعا ۇلەس قوسۋ دەگەن ءسوز. ءماشھۇر ءجۇسىپتى جاستار وقىپ, ءتۇسىنىپ, زەرتتەي دە بىلۋلەرى كەرەك. فيلولوگ ايمان زەينۋلينانىڭ ايتۋىنشا, ء«ادامجۇسىپ» پەساسىن كاسىبي اكتەرلەر ەمەس, ستۋدەنتتەر ساحنالاعانى رۋحاني جاڭالىق.
فاريدا بىقاي
«ەگەمەن قازاقستان»
پاۆلودار
سۋرەتتى تۇسىرگەن: رۋفينا تورپيششەۆا
