بيزنەس-ينكۋباتور, كاسىپكەرلەرگە قىزمەت كورسەتۋ ورتالىعى جانە "نارىن" كوممۋنالدىق بازارى جاقىن ارادا پايدالانۋعا تاپسىرىلادى. اۋداندىق كاسىپكەرلىك ءبولىمىنىڭ اقپاراتى بويىنشا قازىرگى ۋاقىتتا «نارىن» بازارىندا جوندەۋ جۇمىستارى جۇرگىزىلۋدە. جوندەۋ اياقتالعاننان كەيىن اۋىل شارۋاشىلىعى تاۋارىن وندىرۋشىلەر مۇندا ءوز ونىمدەرىن دەلدالدارسىز وتكىزە الادى.
«جالپى اۋدانى 4500 شارتى مەتر عيماراتتا اۋداندىق كاسىپكەرلىك جانە تۋريزم ءبولىمى, اۋداندىق كاسىپكەرلەر پالاتاسى جانە كاسىپكەرلەرگە قىزمەت كورسەتۋ ورتالىعى ورنالاساتىن بولادى. ءوز ءىسىن اشقىسى كەلەتىن كەز كەلگەن ادام وسى جەردەن بارلىق تۋىنداعان سۇراقتارى بويىنشا كەڭەس الا الادى. جاقىن ماڭدا ورنالاسقان «نارىن» بازارىندا جەرگىلىكتى اگرارلار ءوز ونىمدەرىن ساتا الادى», دەپ وي ءبولىستى ماحامبەت اۋداندىق كاسىپكەرلىك جانە تۋريزم ءبولىمىنىڭ باسشىسى جەكسەنباي پازىلوۆ.
«نارىن» كوممۋنالدىق بازارىنداعى باعاعا نەگىزسىز كوتەرۋگە جول بەرمەس ءۇشىن ماحامبەت اۋداندىق كاسىپكەرلىك جانە تۋريزم ءبولىمىنىڭ ماماندارى قاتاڭ باقىلاۋ جاسايتىنىن ەسكەرتە كەتەيىك. قازىرگى ۋاقىتتا جەرگىلىكتى اكىمدىكتىڭ قولداۋىنىڭ ارقاسىندا اۋىل كاسىپكەرلەرى ءوز ونىمدەرىن دەلدالدارسىز وتكىزىپ وتىر.
