اۋدان اكىمى مۇرات ەرگەشباەۆ اتقارىلعان جۇمىستار مەن بۇعان دەيىن دە وتكىزىلگەن باسقوسۋلاردا بەرىلگەن تاپسىرمالاردىڭ ورىندالۋى تۋرالى باياندادى.
ينفراقۇرىلىممەن قامتاماسىز ەتىلىپ جاتقان كەنتتەگى 180 گەكتار ايماقتان رامىزدەر الاڭى مەن دەمالىس پاركiن سالۋ ءۇشىن 8,2 گەكتار جەر ۋچاسكەسى بەلگىلەندى. دەمالىس پاركىنە اۋىز سۋ, ەلەكتر جەلىسى مەن جولى سالىنىپ, اباتتاندىرۋ جۇمىستارى جۇرگىزىلسە, جاڭا ۇلگىدەگى اتتراكتسيوندار مەن ويىن الاڭدارىن سالۋعا كاسىپكەرلەرمەن الدىن الا كەلىسىم جاسالعان. بۇل جاڭا ۇلگىدەگى ساياباق جەرگىلىكتى حالىقپەن قاتار, كورشىلەس ارال مەن قارماقشى اۋداندارىنىڭ تۇرعىندارىنا دا قىزمەت كورسەتەتىن بولادى.
– قازاقستان ءمجا ورتالىعى» اق-مەن «شاعالا» بالالار تىنىعۋ لاگەرىنىڭ قۇرىلىسىن سالۋعا كەلىسىمگە وتىردى. بۇگىندە ينۆەستورلار ىزدەستىرىلۋدە. بۇدان بولەك, 250 ورىندىق اۋداندىق اۋرۋحانا, 12 ەكىقاباتتى ۇيلەر جانە وزگە دە الەۋمەتتىك نىساندار قۇرىلىسىنىڭ جوبالارى ازىرلەندى. ۇلتتىق قاۋىپسىزدىك كوميتەتى اۋداندىق ءبولىمىنىڭ كەڭسە عيماراتى مەن اۋداندىق ورمان جانە جانۋارلار دۇنيەسىن قورعاۋ مەكەمەسى كەڭسەسىنىڭ قۇرىلىسى جوباسى دايىندالۋدا. ال بيىل اۋداندىق مەكەمەلەر ءۇيى مەن مادەنيەت ءۇيى قۇرىلىسىنا وبلىستىق بيۋدجەتتەن قارجى بولىنگەن. بۇگىندە وبلىستىق قۇرىلىس, ساۋلەت جانە قالا قۇرىلىسى باسقارماسىمەن مەملەكەتتىك ساتىپ الۋ جولدارى شەشىلۋدە, – دەدى اۋدان əكىمى.
سونىمەن قاتار, اۋداننىڭ جاڭا ورتالىعىندا ايتەكە ءبيدىڭ ەسكەرتكىشى ورناتىلماق.
باقتيار تايجان,
«ەگەمەن قازاقستان»
قىزىلوردا وبلىسى
