عالىمجان مەيىرحان ۇلى كەنتاۋ قالاسىنداعى №4 اتاتۇرىك اتىنداعى مەكتەپ-ليتسەيىنىڭ تۇلەگى. ماماندىعى ينجەنەر. بۇگىندە الماتى قالاسىنداعى اسكەري-شابۋىلداۋشى دەسانتتىق بولىمىندە كەلىسىمشارت بويىنشا جۇمىس ىستەيدى.
اسكەري قىزمەتشى ۇيگە قايتىپ كەلە جاتقاندا كوپ قاباتتى تۇرعىن ءۇيدىڭ جوعارعى قاباتى جانىپ جاتقانىن كورەدى. ۋلاپ-شۋلاپ جاتقان جۇرت. ابىر-سابىر حالىق. ال عالىمجان ءورت سوندىرۋشىلەردى كۇتپەي-اق اسىعىس كومەككە ۇمتىلدى. ويتكەنى ۋاقىت تار. ورتەنگەن ۇيدە ادام بولسا كومەك قولىن سوزۋ قاجەت دەگەن وي بويىن شىمىرلاتتى. جاس جىگىتتىڭ جىلدام قيمىلداعانى دا سول. قازىر ءورت ساتىسىمەن جوعارعى قاباتقا كوتەرىلىپ, مانساردتىق شاتىردان تومەن ءتۇسۋ كەرەك دەپ ويلادى. ول ەسىكتەن ىشكە ەنىپ, ءتۇتىن تۇمشالانعان بولمەلەردى ارالاپ شىققاندا ەس-ءتۇسسىز جاتقان ەكى بالدىرعاندى ءبىر-بىرلەپ كوتەرگەن كۇيى سىرتقا قاراي ۇمتىلدى. ءتىلسىز جاۋ قارايتىن ءتۇرى كورىنبەيدى. اسىقپاسا بولمايدى. تۇپكى بولمەدە السىرەپ, ءۇنسىز جاتقان قوس ءسابيدى تەز كوتەرىپ الادى دا سىرتقا شىعارادى. وسىلايشا دە-
سانتتىق شابۋىلداۋ-اسكەرلەرىنە قاراستى 61993 اسكەري ءبولىمىنىڭ اسكەري قىزمەتشىسى, ەفرەيتور عالىمجان الەۋحانوۆ ءورت ىشىندە قالعان بالدىرعاندارعا ءومىر سىيلادى.
ارادا ۋاقىت ءوتتى, ءبارى دە ۇمىتىلعان دا ەدى. ول بۇل وقيعانى ەسكە الۋعا دا ىڭعايسىزدانادى.
– مەنىڭ جاساعانىم باتىرلىق ەمەس قوي, – دەپ جىميادى عالىمجان. – كەز كەلگەن ادام جاساۋعا ءتيىستى ءىس ەمەس پە؟ اسكەري نەمەسە قاي سالاداعى ادام بولسىن ماڭىزدى ەمەس. باستىسى, قيىن جاعدايدا قول ۇشىن سوزۋ پارىزىڭ دەپ ويلايمىن. ەڭ الدىمەن 61993 اسكەري ءبولىمنىڭ كومانديرى پودپولكوۆنيك بولات دۇيسەمباەۆقا بولىمدە وتكىزىلەتىن ساباقتارى ءۇشىن شىن كوڭىلدەن العىسىمدى بىلدىرگىم كەلەدى. سولاردىڭ ارقاسىندا بارلىق دەسانتشى جاۋىنگەرلەر ەكپىندى ىستەردىڭ الدىڭعى ساپىندا جۇرگەنىنە قۋانامىن. بۇل ماعان كادەگە جارادى دەپ ويلايمىن.
– ءبىز عالىمجانمەن ماقتانامىز, – دەيدى كەنتاۋ قالالىق جاستار رەسۋرستىق ورتالىعىنىڭ ديرەكتورى قانات بەكمەتوۆ. – ونىڭ ەرلىگى جاستارعا قاشاندا ۇلگى ءارى ونەگە بولارى انىق. جاستار دا ەرجۇرەك عالىمجان مەيىرحان ۇلىنداي بولعىسى كەلەتىنى ءبىز ءۇشىن دە ماقتانىش. لايىم, ورەندەرىمىز ونەگەلى ىستەرىمەن وسە بەرسىن. «قازاقستاننىڭ 100 جاڭا ەسىمى» جوباسىنىڭ جەڭىمپازى اتانۋىمەن قۇتتىقتايمىز. مەرەيىڭ وسە بەرسىن, ءورت كەزىندە جانقيارلىقپەن ەرلىك جاساپ, ءوز ءومىرىڭىزدى تاۋەكەلگە تىگىپ, بالدىرعانداردىڭ ءومىرىن ساقتاپ قال-عان بەيبىت كۇننىڭ باتىرى!
بالالاردى ورتتەن قۇتقارعان سارباز عالىمجان الەۋحانوۆ جۋىردا اقوردادا «ەرلىگى ءۇشىن» مەدالىمەن ماراپاتتالدى. بۇل جونىندە ەلباسى «بەيبىت ومىردە باسىن قاتەرگە تىگىپ, ەكى بالانى ورتتەن قۇتقارعان عالىمجان الەۋحانوۆ ەرەن ەرلىك كورسەتتى. ونىڭ بۇل ءىسى بارشا جۇرتقا ۇلگى. سول سەبەپتى «ەرلىگى ءۇشىن» مەدالىمەن ماراپاتتالادى», – دەدى.
ساپارباي پارمانقۇل,
«ەگەمەن قازاقستان»
الماتى
