بالۋانعا قۇرمەت

قازىر سپورتتىق سايىستار ءجيى. سونىڭ ءبىرى جاقىندا قاراعاندىدا وتكەن, جاڭاارقا ايما­­عىنان العاش كسرو سپورت شەبەرى اتانعان تاناۋ نىعىزباەۆتى ەسكە الۋعا ارنالعان ەركىن كۇرەس ءتۋرنيرى بولدى. بۇل سايىس ادەتتەگىدەن وزگەشەلەۋ ۇيىمداستىرىلدى. ونىڭ بار سالماعىن بۇگىندە ورتامىزدا جۇرسە جەتپىستەن اسار مارقۇم بالۋاننىڭ ۇلدارى مۇرات, جاقسىلىق, باۋىرلارى ايتبەك, ءابدۋىلياس كوتەردى. قالاداعى ءزاۋلىم دە اسەم «جاستار» سارايىن جالعا الىپ, جەر-جەردەن جينالعان 250 قىراننىڭ 12 سالماق دارەجەسى بويىنشا ەمىن-ەركىن كۇش سىناسۋىنا بارىنشا جاعداي جاساپ, جەڭىمپازدار مەن جۇلدەگەرلەردى ىنتا­لان­دىرىپ, ەلەۋلى جارىسقا اينالدىردى. بۇل كىسىنى ۇرپاقتارى ۇلىقتاۋعا لايىقتى-اق. وتكەن عاسىردىڭ سوناۋ 50-ءشى جىلدارى ورتاسىندا الىستاعى اۋىلدا جەتكىنشەك كەزىنەن كۇرەس ونەرىنە قۇشتارلانىپ, سوعان قۇلاي بەرىلىپتى. جەڭىل سالماقتا اۋەلدە وبلىستا, ودان رەسپۋبليكادا الدىنا جان وزدىرماي, قالا بەردى كەڭەستىك كەڭىستىكتەگى جارىستار تورىنەن جارقى­راپ كورىنىپ الىسقا تانىلعان. كسرو كوماندا­سىنىڭ قۇرامىندا ابىلسەيىت ايحانوۆ, ساعىن­جان امانجولوۆتارمەن بىرگە بەلدەسىپ, 53 كگ. سالماقتا بىرنەشە دۇركىن جەڭىمپاز اتانعان. جاڭاارقا جاستارىنىڭ سپورتتى سۇيىكتى سەرىك ەتۋگە جاپپاي جۇمىلۋى جەرلەس اعالارىنىڭ جەڭىستەرى اسەرىنەن بولعان. سودان تامىرلانعان تالانتتاردىڭ تالايى تاناۋ بالۋاندى تالاپتا­رىنا ءىزاشار سانايدى. جوعارىدا اتالعان 1996-98 جىلدارى تۋعان جاس­­­­وسپىرىمدەر اراسىنداعى تۋرنيرگە قاتىسۋ­شى­لار­­دىڭ شوقتىلى شوعىرىمەن ەرەكشەلەندى. 29 كي­لو­داعى شىناشاقتاي بالعىننان باستاپ 100 كيلوعا دەيىنگى كەسەك تۇلعالى بالالار كەيىنگى كەزدە كەنجەلەپ قالعان وسىناۋ كۇرەس ءتۇرىنىڭ جاڭعىرۋ, دامۋ ۇستىندە ەكەندىگىن پاش ەتتى. سايىستىڭ باس تورەشىسى بالعاباي نۇر­ما­نوۆ «ءار ءوڭىر كوماندالارىنىڭ قۇرامى­نا 10-15-تەن بالاۋسا بالۋان تارتىلعان مۇن­داي جارىس سيرەك ۇشىراسادى. ەركىن كۇ­رەس بولاشاق شەبەرلەرىنىڭ ۇلكەن لەگى ءوسىپ كە­لە جاتىر ەكەن, سول قۋانتتى, دەدى. جەڭىم­پازدار مەن جۇلدەگەرلەر مويىندارىنا تاناۋ نىعىزباەۆتىڭ بەينەسى بەدەرلەنگەن التىن, كۇمىس جانە قولا مەدالدار ءىلىندى. جارىستى ۇيىمداستىرۋ كوميسسياسى­نىڭ توراعاسى, قازاقستان رەسپۋبلي­كاسى­نىڭ ءما­دە­نيەت قىزمەتكەرى ابىلاي ءشۇ­لەن­باەۆتىڭ ايتۋىنشا, بۇل باستاما جال­عا­سىپ, بۇدان بى­­­لاي قاراي رەسپۋبليكالىق تۋر­نير بولىپ ءوتىپ تۇرادى. وسى جارىستا كوزگە تۇسكەن بالۋ­اندار رەسپۋبليكالىق بىرىنشىلىككە قاتىسادى. ايقىن نەسىپباي. قاراعاندى.