الماتىدا ءاربىر جەتىنشى ادام  جەكە بيزنەستە جۇمىس ىستەيدى

پالاتا باسشىسى بۇگىندە الماتى ەلىمىزدىڭ جالپى ىشكى ءونىمىنىڭ 5-بولىگى مەن مەملەكەتتىك بيۋدجەتكە سالىق جانە سالىق ەمەس ءتۇسىمنىڭ تورتتەن ءبىر بولىگىنەن استامىن دا وسى قالا قامتاماسىز ەتەدى. شاعىن جانە ورتا بيزنەس قالا ەكونوميكاسىنىڭ – 34 پايىزىن, سالىقتۇسىمدەرىنىڭ 50 پايىزىن, كوتەرمە جانە بولشەك ساۋدا وپەراتسياسىنىڭ 40 پايىزدان استام كولەمىن قۇرايدى. 2017 جىلدىڭ 9 ايىندا الماتىنىڭ جالپى وڭىرلىك ءونىمى 7 ترلن 94 ملرد تەڭگە بولدى جانە وسى سومانىڭ 85 پايىزىن ساۋدا جانە قىزمەت كورسەتۋ سالالارىنداعى كاسىپكەرلىك سۋبەكتىلەرى قامتاماسىز ەتتى. بۇگىندە الماتىدا شاعىن جانە ورتا بيزنەستىڭ 173 مىڭ سۋبەكتىسى بار. ءاربىر جۇمىس ىستەيتىن 7-ءشى ازامات رەسمي تۇردە جەكە بيزنەستە ەڭبەك ەتەدى, دەدى.

2016 جىلدىڭ قورىتىندىسى بويىنشا الماتىنىڭ ورتاشاجيىنتىق جالپى وڭىرلىك ءونىمى $17,5 مىڭ اقش دوللارىن قۇرادى. 2030 جىلعا قاراي 28 مىڭ دوللارعا, ال قازاقستاننىڭ جالپى ىشكى ونىمىندەگى قالانىڭ ۇلەسى 37 پايىزعا جەتەدى دەپ كۇتىلۋدە. سول ۋاقىتقا دەيىن الماتى اگلومەراتسياسىندا تۇرعىن سانى شامامەن 4 ملن ادامعا جەتەدى.

–وسىلايشا قازاقستان رەسپۋبليكاسىنىڭ بيزنەس احۋالىنىڭ جالپى جاعدايى مەن دامۋى بيزنەس-قوعامداستىقتىڭ جانە ءبىزدىڭ قالا تۇرعىندارىنىڭ كاسىپكەرلىك بەلسەندىلىگىنە بايلانىستى بولماق, – دەدى الماتى قالاسى كاسىپكەرلەر پالاتاسىنىڭ ديرەكتورى.

ايناش ەسالي,

«ەگەمەن قازاقستان».

الماتى