دوڭگەلەك ۇستەلگە كوللەدج ديرەكتورىنىڭ ورىنباسارى بالجاقسى شانكەنوۆا, اۋداندىق جاستار ورتالىعىنىڭ مامانى ءاليا سەيىتنازاروۆا, اۋداندىق ورتالىق كىتاپحانانىڭ ادىسكەرى ايناگۇل بايجاناقوۆا جانە كوللەدج ستۋدەنتتەرى قاتىناستى.
شارادا ب.شانكەنوۆا: «ەلباسىنىڭ «100 جاڭا وقۋلىق» جوباسى بۇگىنگى جاستار ءۇشىن ونىڭ ىشىندە گۋمانيتارلىق پاندەر ءۇشىن ەڭ قاجەتتى وقۋلىقتار. ءوز باسىم وسى جوبا اياسىندا «الەۋمەتتىك پسيحولوگيا» وقۋلىعىمەن عالامتور ارقىلى وقىپ تانىستىم. كىتاپتاعى زاماناۋي پسيحولوگيا تۋرالى جازىلعان عالىمداردىڭ جاڭا كوزقاراسى ماعان قاتتى ۇنادى», دەدى. بۇدان سوڭ ءا.سەيىتنازاروۆا ءسوز الىپ, جاستارعا «100 جاڭا وقۋلىق» جوباسى اياسىندا شىققان 18 وقۋلىق جا-
يىندا اۆتورلار مەن كىتاپ مازمۇندارىن جان-جاقتى ءتۇسىندىرىپ بەردى. ال كىتاپحانا ادىسكەرى ا. بايجاناقوۆا «100 جاڭا وقۋلىق زامان تالابى» اتتى بايانداماسىن ورتاعا سالىپ, اتالمىش وقۋلىقتاردىڭ بۇرىنعى وقۋلىقتاردان وزگەشەلىگىنە توقتالىپ ءوتتى.
جيىن بارىسىندا ەلباسىنىڭ «رۋحاني جاڭعىرۋ» باعدارلاماسى جايىندا جاستار ويلارىن ورتاعا سالىپ, پىكىرلەرىن ايتتى.
«مەن بۇگىنگى باسقوسۋدا وزىمە مول پايداسى بار مالىمەتتەر الدىم. اسىرەسە كاسىپكەرلىك پەن مەنەدجمەنت, ءدىنتانۋ مەن فيلوسوفيا وقۋلىقتارى ماعان ەڭ قاجەتتى كىتاپتار دەگىم كەلەدى. مەن وسى كوللەدجدىڭ «دانەكەرلەۋ ءىسى» ماماندىعىندا وقىپ ءجۇرمىن. كوللەدجدى بىتىرگەن سوڭ الماتىداعى ق.ساتپاەۆ اتىنداعى قازاق ۇلتتىق ۋنيۆەرسيتەتىنىڭ «تەحنولوگيالار ءىسى» ماماندىعىنا وقۋعا تۇسكىم كەلەدى.امانشىلىق بولسا, بىلىكتى جانە ءبىلىمدى مامان بولۋدى قولعا الامىن», دەيدى كوللەدج ستۋدەنتى حابيب تۇراشەۆ.
دينا جولداسبايقىزى,
جاستار ورتالىعىنىڭ مامانى
ماڭعىستاۋ وبلىسى,
ماڭعىستاۋ اۋدانى
