«2016 جىلى استانا قالاسىنداعى ەكسپو-2017 حالىقارالىق مامانداندىرىلعان كورمەسىن وتكىزۋ ۋاقىتىندا شەت ەل دەلەگاتسياسى قاتىسۋشىلارىنىڭ تۇرۋى ءۇشىن 42 تۇرعىن ءۇي سالىندى. جىلجىمايتىن م ۇلىك نىساندارى ۇلتتىق قور مەن جوبالاۋ كومپانيالارىنىڭ ينۆەستيتسياسىنا سالىندى. مەملەكەتتىڭ تۇرعىن ۇيگە بولىنگەن قارجىنى قايتارۋ, نارىقتا جىلجىمايتىن م ۇلىكتى ساتۋ ارقىلى بولادى», – دەپ حابارلادى «بايتەرەك دەۆەلوپمەنت» اق باسقارما توراعاسىنىڭ ورىنباسارى ا.ۋسەرباەۆ.
ەكسپو ورامىندا كولىك تۇراعىمەن پاتەردى كەز-كەلگەن قالاۋشى ءوزىنىڭ قارجىسىنا نەمەسە «قازاقستاننىڭ تۇرعىن ءۇي قۇرىلىس جيناق بانكى» اق ەكىنشى دەڭگەيلى بانكتەردەن يپوتەكالىق قارىز الۋ ارقىلى الادى.
ا.ۋسەرباەۆ اتاپ وتكەندەي, ەكسپو تۇرعىنجايلارىن ساتۋدىڭ اشىقتىعىن قامتاماسىز ەتۋ ءۇشىن,ءوتىنىش قابىلداۋدى Digital Baiterek ونلاين-پلاتفورما ارقىلى جۇرگىزۋ جوسپارلانۋدا. بۇگىنگى كۇنى تەستلەۋ مەن وڭدەۋ كەزەڭىندە.
تۇرعىن ءۇيدىڭ جايلىلىعى II كلاسستى جانە تازا ارلەۋدە وتكىزىلەدى. ءبىر بولمەلى پاتەردىڭ اۋماعى 41,3 نەن 50,7 ش.م, ەكى بولمەلى – 60,8 دەن 75,6 ش.م., ءۇش بولمەلى– 85,3 دەن 104,9 ش.م, ءتورت بولمەلى – 108,4 دەن 123,7 ش.م. جۋىق ارادا جىلجىمايتىن نىسانداردىڭ باعاسى تاۋەلسىز كونسالتينگ كومپانياسىن تارتۋمەن انىقتالماق.
