قۇرىلىس جانە تۇرعىن ءۇي-كوممۋنالدىق شارۋاشىلىق ىستەرى كوميتەتىنىڭ شەشىمىمەن نىساندا كۇشەيتۋ جۇمىستارى باستالىپ, 2015 جىلى 30 ماۋسىمدا اياقتالدى. تۇرعىن ءۇي كەشەنىنىڭ قۇرىلىسىن اياقتاۋعا ءۇش مەردىگەر كومپانيا: «وڭداسىن ستروي», «ەۆروستروي» جانە «ەلين گرۋپ» بەلگىلەندى. قازىرگى تاڭدا 297 پاتەر قونىستانۋعا بەرىلمەك.
-بۇل قۇرىلىسى ۇزاققا سوزىلعان «اققۋ» تۇرعىن-ءۇي كەشەنىن پايدالانۋعا بەرۋ – وبلىس اكىمى ەرالى توعجانوۆتىڭ باستى تاپسىرمالارىنىڭ ءبىرى. ءۇي قۇرىلىسى 2008 جىلى باستالعان. ونىڭ 5 جىلىندا نىساندا ەشقانداي قۇرىلىس جۇمىستارى جۇرگىزىلمەدى. مۇندا شامامەن 650 پاتەر بار. وسى ايدىڭ سوڭىندا 300-دەن استام پاتەر پايدالانۋعا بەرىلمەك.
ال قالعان 300 پاتەردى وسى جىلى 1 قىركۇيەككە دەيىن بەرۋ جوسپارلانعان. وسى ۋاقىتتا «اققۋ-1» تولىققاندى كەشەنگە اينالادى. بۇرىن بۇل ءۇيدىڭ توڭىرەگىندە تۋىنداعان ماسەلەلەرگە قاتىستى كۇدىكتى جويۋ ءۇشىن «قازاق قۇرىلىس جانە ساۋلەت عىلىمي-زەرتتەۋ جانە جوبالاۋ ينستيتۋتىنان» ماماندار شاقىرىلىپ, تەكسەرىس جۇرگىزدىك. ولار كەشەننىڭ پايدالانۋعا جارامدى ەكەنىن راستاپ, جازباشا انىقتاما بەردى, دەيدى وبلىس اكىمىنىڭ ءبىرىنشى ورىنباسارى سەرىك امانعاليەۆ.
گۇلايىم شىنتەمىرقىزى,
«ەگەمەن قازاقستان»
ماڭعىستاۋ وبلىسى
