كەزدەسۋ بارىسىندا اۋعانستان باسشىسى قازاقستاندىق تاراپقا جانە پرەزيدەنت نۇرسۇلتان نازارباەۆتىڭ جەكە وزىنە اۋعانستاندى قايتا قالپىنا كەلتىرۋگە, ەلدە بەيبىتشىلىك پەن قاۋىپسىزدىك ورناتۋعا باعىتتالعان بارلىق حالىقارالىق جانە وڭىرلىك باستامالارعا كورسەتىپ وتىرعان قولداۋى ءۇشىن العىسىن ءبىلدىردى. ول قابىل ءۇشىن قازاقستاننىڭ ورتالىق ازياداعى ەڭ ءىرى ارىپتەسى رەتىندە ەرەكشە ماڭىزدىلىعىن اتاپ ءوتتى. بۇعان ونىڭ تەك 2017 جىلى استاناعا بارعان ەكى ساپارى جانە قازاقستان پرەزيدەنتىمەن كەلىسسوزدەرى دالەل بولىپ وتىر.
اۋعانستان پرەزيدەنتى ەكى ەل اراسىنداعى ساۋدا-ەكونوميكالىق ىنتىماقتاستىقتى تەرەڭدەتۋدىڭ قاجەتتىگىن باسىپ ايتتى. قازاقستاندىق ىسكەرلەردى اۋعان نارىعىندا, اتاپ ايتقاندا بيداي جەتكىزۋ, اۋعانستان اۋماعىندا قازاقستاندىق كومپانيالاردىڭ ديىرمەن سالۋى, تاۋ-كەن ونەركاسىبىنىڭ وبەكتىلەرى, ەلەكتروەنەرگيا سالالارىندا, تەمىرجول جوبالارىنداعى جۇمىسىنىڭ بەلسەندىلىگىن ارتتىرۋعا شاقىردى. ءوز كەزەگىندە اۋعاندىق تاراپ قازاقستاندىق نارىققا جەمىس-جيدەك پەن جاڭعاقتاردىڭ ءتۇر-ءتۇرىن جەتكىزۋدىڭ كولەمىن ۇلعايتۋعا ءازىر.
ءا. ەسەنگەلديەۆ اۋعانستان پرەزيدەنتىنە كورسەتىلگەن قوناقجايلىق ءۇشىن العىسىن ءبىلدىرىپ, قازاقستان پرەزيدەنتىنىڭ اۋعانستانعا, ونىڭ ىشىندە قر-نىڭ بۇۇ قاۋىپسىزدك كەڭەسىندەگى تۇراقتى ەمەس مۇشەلىگى شەڭبەرىندەگى ءبولىپ وتىرعان ەرەكشە ماڭىزدىلىعىن اتاپ ايتتى. مەملەكەتتەر اراسىنداعى ەكىجاقتى قاتىناستاردى ودان ءارى كەڭەيتۋگە بارىن سالاتىنداعىنا دايىندىعىن جەتكىزىپ, سونداي-اق ەلدى قىسقا مەرزىمدە قالپىنا كەلتىرۋ ىسىندە استانانىڭ قابىلدى تولىقتاي قولدايتىندىعى بويىنشا ۇستانىمى تۋرالى مالىمدەدى.
بۇدان بولەك, قازاقستان ەلشىسى سول كۇنى سىرتقى ىستەر ءمينيسترى سالاحۋددين راببانيمەن جەكە كەزدەسۋ وتكىزىپ, تاراپتار ەكىجاقتى جانە كوپجاقتى ىنتىماقتاستىعىنىڭ كەڭ اۋقىمدى ماسەلەلەرى بويىنشا پىكىر الماستى.
