ءىس-شاراعا قازاقستاننىڭ فرانتسياداعى توتەنشە جانە وكىلەتتى ەلشىسى جان عاليەۆ, حالىقارالىق تۇركى اكادەمياسىنىڭ توراعاسى دارحان قىدىرالى, نوجان-سيۋر-مارن (فر. Nogent-sur-Marne) قالاسىنىڭ مەرى جان جاك پول مارتان جانە 16 ەلدەن كەلگەن عالىمدار قاتىستى.
جيىندا ەلشى ج.عاليەۆ پاريج شاھارىنىڭ مەرىنە ەكى ەل اراسىنداعى قارىم-قاتىناستى نىعايتۋعا قوسقان ۇلەسى ءۇشىن «قازاقستان ديپلوماتياسىنا 25 جىل» مەدالىن تاقتى.
سونداي-اق حالىقارالىق تۇركى اكادەمياسى اتىنان ارنايى سىيلىق تابىستالدى. پول مارتاننىڭ ايتۋىنشا, بۇل – وعان كورسەتىلگەن زور قۇرمەت.
«بۇگىن مۇستافا شوقايدىڭ پاريجدەگى ەسكەرتكىشىنە گۇل شوقتارىن قويۋ ءۇشىن جينالدىق. وسىنداي ىرگەلى شاراعا قاتىسۋ مەن ءۇشىن ۇلكەن قۇرمەت. م.شوقاي فرانتسيادا ۋاقىتىنىڭ ءبىراز بولىگىن وتكىزدى. سوندىقتان وعان ەسكەرتكىش قويۋ بىزگە ابىروي بولاتىن. بۇل – ءبىز ءۇشىن قازاقستاننىڭ پاريجدەگى كىشىگىرىم بولىگى. وسىنداي ەسكەرتكىش ورناتۋعا اتسالىسقانى ءۇشىن قازاقستان ەلشىلىگىنە العىس ايتامىن. فرانتسيا مەن قازاقستان اراسىنداعى قارىم-قاتىناستىڭ بۇدان ءارى نىعايا تۇسەتىنىنە سەنىمىم مول», دەدى قالا مەرى.
ايتا كەتۋ كەرەك, تۇركى جازۋىنىڭ وقىلۋىنا 125 جىل تولۋىنا جانە مادەني مۇرانى رۋxاني جاڭعىرۋمەن ۇشتاستىرۋ ماقساتىندا حالىقارالىق تۇركى اكادەمياسى 30 ءساۋىر كۇنى پاريجدە, يۋنەسكو-نىڭ شتاب-پاتەرىندە xالىقارالىق فورۋم ۇيىمداستىرماق.
يۋنەسكو جانە باۋىرلاس ەلدەردىڭ ۇلتتىق كوميسسيالارىمەن بىرگە ۇيىمداستىرعان شاراعا 16 مەملەكەتتەن كورنەكتى عالىمدار, بەلگىلى تۇركولوگتار, قوعام قايراتكەرلەرى مەن ديپلوماتتار قاتىسادى.
تۇركى تىلدەرىنىڭ وتكەنى, بۇگىنى جانە بولاشاعى تۋرالى 3 سەكتسيادان تۇراتىن اۋقىمدى شارادا ماعجاننىڭ 125, ايتماتوۆتىڭ 90 جىلدىعى اتاپ وتىلەدى.
سونىمەن قاتار تىلدەرى جويىلۋ قاۋپىندەگى التاي, تىۆا, xاكاس, ساxا, سارى ۇيعىر, قاشقاي, قارايىم, گاگاۋىز سەكىلدى باۋىرلاس xالىقتاردىڭ وكىلدەرى ءوز تىلدەرىندە بايانداما جاساپ, باستى قۇندىلىقتارىن ساقتاۋ, قورعاۋ جانە دامىتۋ جونىندە ناقتى ۇسىنىستار ايتادى.
اباي اسانكەلدى ۇلى,
«ەگەمەن قازاقستان»
فرانتسيا, پاريج
