شىمكەنتتەگى بۇل جارمەڭكەنى ناتيجەلى جۇمىسپەن قامتۋدى جانە جاپپاي كاسىپكەرلىكتى دامىتۋدىڭ 2017 – 2021 جىلدارعا ارنالعان "ەڭبەك" باعدارلاماسىنىڭ جەمىسى دەسەك تە بولار. مەملەكەتتىك باعدارلاما اياسىندا ءوز كاسىبىن دوڭگەلەتكەن 60 كاسىپكەر قالا تۇرعىندارىنا وزدەرىنىڭ تاۋارلارىن, ياعني ەت -ءسۇت ونىمدەرىن, جەمىس-جيدەك, كوكونىستەر مەن قولونەر شەبەرلەرىنىڭ بۇيىمدارىن ساتتى. ارينە, جارمەڭكە مەرەكەلىك بولعاندىقتان ويىن-ساۋىق جانە كونتسەرتتىك شوۋ-باعدارلامالار قويىلىپ, سىيلىقتار ۇتىسى ۇيىمداستىرىلدى. لوتەرەيا بيلەتتەرى ۇتىستى بولعان تۇرعىندارعا جارمەڭكەدەن تاۋار الۋعا مۇمكىندىك بەرەتىن اقشالاي كۋپوندار تابىس ەتىلدى.
ايتا كەتەلىك, «ەڭبەك» باعدارلاماسى ارقاسىندا «دامۋ» قورى ارقىلى وڭتۇستىك قازاقستان وبلىسى بويىنشا 150 ازامات ءوز ءىسىن اشۋعا جانە كاسىبىن كەڭەيتۋ مۇمكىندىگىنە يە بولدى. جالپى باعدارلاما بويىنشا قارجىلاندىرۋ كولەمى - 1,4 ملرد. تەڭگە.
ەرىن دوسىمباي,
وڭتۇستىك قازاقستان وبلىسى
