تاعى جەتى پارتيا پارتيالىق ءتىزىمىن تاپسىردى

ورتالىق سايلاۋ كوميسسيا­سى­نىڭ اقپاراتتارى بويىنشا, ءما­جىلىس دە­پۋ­تات­تىعىنا كانديدات­تار­دىڭ ءتىزىمىن تىركەۋدەن ءوتۋ ءۇشىن ورتالىق سايلاۋ كو­ميس­سياسىنا 3 جەلتوقساندا قازاقستان­نىڭ كوممۋنيستىك حالىقتىق پارتياسى, ال كەشە قازاقستان پاتريوتتار پار­تيا­سى, قازاقستاننىڭ سوتسيال-دە­موكراتيا­لىق «اۋىل» پارتياسى, «ادىلەت» دە­مو­كراتيالىق پارتيا­سى, «رۋحانيات» پار­تيا­سى, جال­پى­ۇلتتىق سوتسيال-دەمو­كرا­تيالىق پارتياسى جانە قازاقستاننىڭ «اقجول» دەموكراتيالىق پارتيا­سى پارتيالىق تىزىمدەرىن تاپ­سىردى. زاڭناما تالاپتارىنا سايكەس تىركەۋ ءۇشىن قاجەتتى قۇجاتتار تىزىمىنە كان­دي­دات­تاردىڭ اتى-ءجونى كورسەتىلگەن پارتيالار سەزدەرى حاتتامالارىنىڭ كو­شىر­مەلەرىنەن باسقا وتىنىشتەر, سالىق ورگان­دا­رى­نان بەرىلگەن انىقتامالار, ءار­بىر كانديداتتىڭ جانە ونىڭ جۇ­بايىنىڭ (زايىبىنىڭ) ومىرباياندىق مالىمەتتەرىنە قاتىستى بارلىق قۇجات­تار دا كىرەدى. ەسكە سالا كەتەيىك, 30 قاراشا­دا ال­عاش­قى بولىپ ورتالىق سايلاۋ كوميس­سيا­سىنا «نۇر وتان» حدپ كاندي­دات­تار­دىڭ پارتيالىق ءتىزىمىن تاپسىرعان ەدى. سونىمەن, كەشە ساياسي پارتيا­لار­دىڭ پار­تيا­لىق تىزىمدەرىن تاپسىرۋ مەرزىمى اياقتالدى. ال زاڭعا سايكەس پار­تيالىق ءتىزىم بويىنشا سايلا­نا­تىن پارلامەنت ءماجىلىسى دەپۋ­تات­تارىنىڭ كەزەكتەن تىس ساي­لاۋ­ىن­دا قۇجاتتاردى تىركەۋ 15 جەل­توقسانعا دەيىن جال­عاسادى. «ەگەمەن-اقپارات».