شاراعا «قازاقستان» تەلەراديوكورپوراتسياسىنىڭ ستراتەگيالىق ماركەتينگ دەپارتامەنتىنىڭ جەتەكشىسى جاننۇر ايداربەكوۆا مەن قوسىمشانى جۇزەگە اسىرعان كومپانيا باسشىسى اباي سەرعازيەۆ قاتىستى.
بۇل قوسىمشا ارقىلى كورەرمەندەر كورپوراتسيا قۇرامىنا كىرەتىن «Qazaqstan», «Balapan» جانە «Qazsport» تەلەارنالارىنىڭ تەلەونىمدەرىن جوعارى ساپادا تىكەلەي ەفيردە كورۋ مۇمكىندىگىنە يە بولماق. ياعني كەز كەلگەن جەردە كەز كەلگەن ۋاقىتتا قالاعان باعدارلامانى تىكەلەي ەفيردىڭ براۋزەرى ارقىلى كىرىپ تاماشالاۋعا بولادى.
ستراتەگيالىق ماركەتينگ دەپارتامەنتىنىڭ جەتەكشىسى ج.ايداربەكوۆانىڭ ايتۋىنشا, تسيفرلاندىرۋ – بۇل ۋاقىت جانە زامان تالابى. «ەلباسىمىز ءوز جولداۋىندا اقپاراتتىق-تەحنولوگيالىق شەشىمدەردى ەنگىزۋ قاجەتتىگىن ايتقان بولاتىن. ءبىزدىڭ كورپوراتسيا دا وسى تىڭ باستامادان تىس قالماۋدى كوزدەپ وتىر. بۇل قوسىمشا ارقىلى ءاربىر قازاقستاندىق سۇيىكتى باعدارلاماسىن ساقتاۋ فۋنكتسياسى ارقىلى جۇكتەپ الىپ, وزىنە ىڭعايلى ۋاقىتتا كورە الادى. سونداي-اق بۇل قوسىمشادا بىرقاتار فۋنكتسيالار بار», دەيدى ول.
«Qazaqstan TV» قوسىمشاسىنىڭ ەرەكشەلىكتەرىنە توقتالا كەتەر بولساق, جوعارى ساپالى تىكەلەي ەفيردىڭ قولجەتىمدىلىگى, باعدارلامالاردى ساقتاۋ مۇمكىندىگى, باعدارلامانى ىڭعايلى ۋاقىتتا كورۋ مۇمكىندىگى, جاڭالىقتاردى دىبىستىق تىڭداۋ سياقتى كوپتەگەن فۋنكتسيالاردان تۇرادى.
ەندى «Qazaqstan TV» قوسىمشاسىنىڭ كورەرمەندەرى يا تىڭدارماندارى تەلەراديوكورپوراتسيا قۇرامىنا كىرەتىن «Qazaqstan», «ۆalapan» جانە «Qazsport» تەلەارنالارىمەن قاتار, «قازاق راديوسى», «شالقار راديوسى», «استانا» جانە «كلاسسيك» راديولارىن ەلىمىزدىڭ ءار بۇرىشىندا تىڭداي الاتىن مۇمكىندىككە يە بولماق. «Qazaqstan TV» قوسىمشاسىن AppStore جانە Play Market ارقىلى جۇكتەپ الۋعا بولادى.
ا.سەرعازيەۆ قوسىمشانى نەبارى ءبىر جارىم ايدا جاساپ شىققانىن ايتتى. قوسىمشانىڭ تاعى ءبىر ەرەكشەلىگى, ونى پايدالانۋشى ەستۋ, كورۋ قابىلەتتەرى تومەن جاندار ءۇشىن ارنايى تەتىكتەر قاراستىرىلعان.
ميراس اسان,
«ەگەمەن قازاقستان»
