ينفراقۇرىلىمدار دايىندىعى جوعارى

قازاقستان ءتاۋ­ەلسىزدىگىنىڭ 20 جىل­دىعى قار­ساڭىندا رەسپۋبليكا پرە­مەر-ءمينيسترىنىڭ ورىنباسارى – يندۋستريا جانە جاڭا تەحنولوگيالار ءمينيسترى اسەت يسەكەشەۆ پەن كولىك جانە كوممۋنيكاتسيالار ءمينيسترى بەرىك كاماليەۆ, «قازاقستان تەمىر جولى» ۇك» اق پرەزيدەنتى اسقار مامين مەملەكەت باسشىسىنىڭ تاپسىرماسىمەن الماتى وبلىسىندا سالىنىپ جاتقان كولىك ينفراقۇرىلىمى نىساندارىنىڭ دايىندىعىن تەكسەردى. نەگىزگى نىسانداردى ىسكە قوسۋ مەن تۇساۋكەسەر ءراسىمى بيىلعى جىلعى جەلتوقساننىڭ 9-ىندا يندۋستريالىق فورۋم اياسىندا وتكىزىلەتىن بولادى. جوبانىڭ باسى-قاسىندا قا­زاق­ستان مەن قىتاي مەملەكەتتەرى باسشىلارىنىڭ تۇرعانى بەلگىلى. 2006 جىلعى جەلتوقساننىڭ 20-سىن­دا قازاقستان پرەزيدەنتى ن. نازار­باەۆتىڭ قحر-عا مەملەكەتتىك ساپارى اياسىندا قازاقستاننىڭ كولىك جانە كوممۋنيكاتسيالار مينيسترلىگى مەن قحر تەمىر جول مينيسترلىگى اراسىندا قازاقستان مەن قحر اراسىنداعى تەمىر جول­دى قورعاس (قر) ستانساسى مەن حورگوس (قحر) ارقىلى جالعاس­تىرۋ ءۇشىن قۇرى­لىس جۇمىس­تارىن جۇرگىزۋ تۋرا­لى مەمو­راندۋمعا قول قويىلعان بولاتىن. بۇل جول قازاقستاننىڭ كولىك جۇيەسىن دامىتۋداعى رەسپۋب­ليكا­نىڭ ترانزيتتىك الەۋەتىن پاي­دالانۋدا ۇلكەن مۇمكىندىك­تەرگە جول اشادى. قۇرىلىس بارىسىندا بەس مىڭ جۇمىس ورنى اشىلدى. ول ىسكە قوسىلعاندا 2055 ادام تۇراقتى جۇمىسپەن قامتىلادى. جول رەكوردتىق قىسقا مەرزىمدە سالىندى. ماگيسترالدىڭ قازاقستاندىق بولىگىن سالۋ 2009 جىلعى تامىزدىڭ 3-ىندە باستال­عان بولاتىن. وسى مەرزىمدە وتان­دىق مەردىگەر ۇيىمدار 293 شاقىرىم جول سالدى. 5 ستانسا, 9 جول ايرىعى, 28 كوپىر, ەكى سۋاعار ىسكە قوسىلدى. وپتيكالىق-تالشىقتى بايلانىس جەلىسى تارتىلدى. التىنكول شە­كا­رالىق ستانساسى مەن جول ايرىق­تا­رىندا قىزمەتتىك-تەحنيكالىق عيما­رات­تار تۇرعىزىلدى. قازىرگى ۋاقىتتا الەۋمەتتىك نى­ساندار – تۇرعىن ۇيلەر, بالاباق­شا­لار, مەكتەپ, جاتاقحانالار, مەدي­تسي­نالىق ورىندار سالىنۋدا. «قتج» ۇك» اق پرەزيدەنتى قازاقستاننىڭ كولىكتىك-لوگيستيكالىق جۇيەسىن دا­مىتۋ تۇجىرىمداماسى مەن قتج با­زاسىندا ىقپالداسقان كولىكتىك-لوگيستيكالىق وپەراتورلىق قىز­مەتى تۋرالى باياندادى. مەملەكەت باسشىسىنىڭ تاپسىرماسىمەن سا­لى­­نىپ جاتقان نىسانداردىڭ دا­يىن­­دىعىن تەكسەرۋ بارىسىندا «قور­­عاس» حالىقارالىق شەكارالىق ىن­تىماقتاستىق ورتالىعىنىڭ جاياۋ جۇرگىنشىلەرگە ارنالعان وتكەلى ءتۇيىسۋى بولدى. ول ارقىلى ەكى ەلدىڭ ازا­ماتتارى ەمىن-ەركىن وتەتىن بو­لادى. جولدىڭ ءتۇيىسۋ راسىمىنە قى­تاي تا­راپىنان قحر مەملەكەتتىك كەڭە­سى­نىڭ ۆيتسە-پرەمەرى چجان دەتسزيان قاتىستى. 2011 جىل ىشىندە «قورعاس» حا­لىقارالىق شەكارالىق ىنتىماق­تاستىق ورتالىعىنىڭ نىساندارى ىسكە قوسىلدى. تاۋلىگىنە ون مىڭنان استام ادامدى وتكىزە الاتىن تەك­سەرۋ-وتكىزۋ بەكەتى سالىندى. 23 شاقىرىمدىق اۆتوجول, اۆتوكوپىر, ءتورت تۋننەل, باسقا دا شەكارالىق- كەدەندىك ينفراقۇرىلىمعا قاجەتتى نىساندار تۇرعىزىلدى. ورتالىق ىسكە قوسىلعاننان باستاپ ينۆەس­تي­تسيا­لىق جوبالاردى قارجىلاندىرۋ مەن تۋريستىك جوبالاردى جۇزەگە اسىرۋعا قولايلى احۋال جاسالعان. وسىندا التىنكول ستانساسىندا ۇدەمەلى يندۋستريالىق-يننوۆاتسيا­لىق دامۋ باعدارلاماسىنىڭ ەڭ ءىرى جوبالارىنىڭ ءبىرى – 293 شا­قى­رىم­عا سوزىلاتىن جەتىگەن – قورعاس تەمىر جول ماگيسترالىنىڭ تۇساۋكەسەر ءراسىمى ءوتتى. جەتىگەن – قورعاس تەمىر جول جەلىسى قۇرىلىسىنىڭ اياقتالۋى جانە «قورعاس» حشىو پايدا­لا­نۋعا بەرىلۋى بولاشاقتا «قورعاس – شىعىس قاقپاسى» يندۋستريالىق-لوگيستيكالىق حابىنىڭ بەلگىلى ءبىر كەزەڭى بولىپ تابىلماقشى. ول سون­داي-اق رەسپۋبليكانىڭ ترانزيتتىك الەۋەتىن ايتارلىقتاي ارتتىراتىن, اتاپ ايتقاندا, قازاقستاندى قى­تايمەن جانە وڭتۇستىك-شىعىس ازيا ەلدەرىمەن بايلانىس­تى­راتىن جاڭا حالىقارالىق كولىك دالىزىنە اينالادى. كولىك جانە كوممۋنيكاتسيالار ءمينيسترى ب.كاماليەۆ رەسپۋبليكا اۋماعى بويىنشا ترانزيتتىك كولىكتەردىڭ ءوتۋ جىلدام­دى­عىن ۇلعايتۋ ءۇشىن مەملەكەت قا­بىلداپ جاتقان شارالار تۋرالى اڭگىمەلەدى. ول اتاپ وتكەندەي, شىۇ شەڭبەرىندە باستى مىندەتى اۆتوماگيسترال بويىنشا كەدەرگىسىز قوزعالىس ورناتۋ ءۇشىن قولايلى جاعدايلار جاساۋ بو­لىپ تابىلاتىن باتىس ەۋروپا – باتىس قىتاي ترانسكون­تينەن­تالدىق ءدالىز بويىنشا ۇيلەستىرۋ كەڭەسى قۇرىلاتىن بولادى. قىزمەت بابىنداعى تەكسەرۋ بارىسىندا پرەمەر-مينيستر­دىڭ ورىنباسارى – يندۋستريا جانە جاڭا تەحنولوگيالار ءمينيسترى ءا.يسەكەشەۆ كولىكتىك ين­فراقۇرىلىمنىڭ دايىندىعىنا جوعارى باعا بەردى. قورعانبەك امانجول, الماتى وبلىسى. سۋرەتتى تۇسىرگەن يۋ.بەككەر