كوررەكتسيالىق كابينەت «دارا» قايىرىمدىلىق قورىنىڭ ۇيىمداستىرۋىمەن جوعارى وقۋ ورنىنىڭ بازاسىنان العاش رەت پايدالانۋعا بەرىلىپ وتىر. ماقسات – ەلىمىزدەگى ارنايى جانە ينكليۋزيۆتى ءبىلىم بەرۋدى ينستيتۋتتسيونالدى قولداۋ جانە دەفەكتولوگيا ماماندىعىندا وقيتىن ستۋدەنتتەر مەن ماگيسترانتتاردى پراكتيكالىق, عىلىمي-زەرتتەۋشىلىك جۇمىستارىن ۇيىمداستىرۋ.
بۇل ورتالىق مۇمكىندىگى شەكتەۋلى بالالاردىڭ ادامگەرشىلىك, ەڭبەكسۇيگىشتىك قاسيەتتەرىن قالىپتاستىرىپ, ولاردىڭ ومىرگە دەگەن قۇشتارلىق سەزىمدەرىن وياتۋ, وي-ورىستەرى مەن ويلاۋ قابىلەتتەرىن جەتىلدىرىپ, تولىققاندى ازامات دارەجەسىنە جەتكىزۋ ماقساتىندا جۇمىس جاسايدى.
– بارشاڭىزدى پەداگوگيكالىق-پسيحولوگيالىق تۇزەتۋ كابينەتىنىڭ اشىلۋىمەن شىن جۇرەكتەن قۇتتىقتايمىن! جالپى ءبىلىم بەرەتىن مەكتەپتە دامۋ مۇمكىندىگى شەكتەۋلى بالالارعا قولايلى جاعداي جاساۋ – ءبىزدىڭ باستى مىندەتىمىز. بۇگىنگى ورتالىقتىڭ اشىلۋىمەن تاعى دا قۇتتىقتاي وتىرىپ, بالا ساۋلىعى مەن وقىتۋ جولىنداعى جۇمىستارىڭىزعا ساتتىلىك تىلەيمىن, – دەدى ورتالىقتىڭ اشىلۋ راسىمىندە قىزدار ۋنيۆەرسيتەتىنىڭ رەكتورى گاۋحار الدامبەرگەنوۆا.
