ماحامبەت اۋدانى اكىمىنىڭ ورىنباسارى ۇلىقبەك تىناليەۆ «دينارا جۇرگىزگەن شاحماتتان ءبىر ۋاقىتتاعى ويىن سەانسىنا بالالار ەرەكشە ىنتا-ىقىلاسپەن قاتىستى», دەيدى. اۋدانداعى 13 مەكتەپتە سپورت كلۋبى بار. وندا وقۋشىلار سپورتتىڭ 11 ءتۇرى بويىنشا جاتتىعادى. شاحمات سەكتسياسىنا قاتىسۋشىلار سانى بيىل 50-دەن اسقان. بۇقارالىق سپورتتى دامىتۋعا ايرىقشا كوڭىل بولىنگەن اۋداندا جاقسى جەتىستىكتەرىمەن قۋانتىپ جۇرگەن بالالار دا كوپ.
قازاقستاندا تۇڭعىش رەت شاحمات ويناپ ۇيرەنۋ جايلى وقۋ قۇرالىن ءوز قاراجاتىنا شىعارىپ, مەكتەپتەر مەن بالالار ورتالىقتارىنا تاراتقان دينارا اتىراۋ قالاسىنداعى «بايزار» ساۋدا ورتالىعىندا دا بالالارمەن كەزدەستى.
– قازاق ەلىنىڭ بولاشاعى زەردەلى جاستاردىڭ قولىندا. يۋنيسەف-ءتىڭ قازاقستانداعى ۇلتتىق ىزگى نيەت ەلشىسى رەتىندە جاس ۇرپاقتى جاقسىلىققا تاربيەلەۋگە ۇلەسىمدى قوسۋعا تىرىسامىن. اتىراۋ وبلىسىنداعى كەزەكتى شارا اقىل-وي سپورتىن ناسيحاتتاۋعا ارنالدى, بىلگەنىممەن ءبولىسۋ باستى ماقساتىم, – دەيدى الەمگە ايگىلى شاحماتشى دينارا سادۋاقاسوۆا.
باقىتگۇل باباش,
«ەگەمەن قازاقستان»
اتىراۋ
