وعان اتالعان كوميتەت ءتورايىمى بىرعانىم ءايتىموۆا باستاعان سەنات دەپۋتاتتارى, ەڭبەك جانە حالىقتى الەۋمەتتىك قورعاۋ ۆيتسە-ءمينيسترى نۇرجان التاەۆ, جەرگىلىكتى اتقارۋ ورگاندارىنىڭ باسشىلارى قاتىستى. وتىرىستا بايانداما جاساعان ەڭبەك جانە حالىقتى الەۋمەتتىك قورعاۋ ۆيتسە-ءمينيسترى نۇرجان التاەۆ جىل باسىنان بەرى رەسپۋبليكا بويىنشا مارتەبەسى انىقتالماعانىن 2,7 ميلليون ادام بولعانىن, بۇگىنگە دەيىن سونىڭ 607 مىڭىنىڭ مارتەبەسى انىقتالعانىن ايتتى.
سەناتتىڭ كوشپەلى ماجىلىسىنە قاتىسقان وبلىس اكىمى ارحيمەد مۇحامبەتوۆ تۇرعىنداردىڭ ءوزىن ءوزى جۇمىسپەن قامتۋ بارىسىندا قوستانايدا جاسالىپ جاتقان, اسىرەسە, ولاردى بيزنەسكە تارتۋ ىسىنە توقتالىپ ءوتتى. وبلىس اكىمىنىڭ ورىنباسارى مارات جۇندىباەۆ تۇرعىنداردىڭ ءوزىن ءوزى جۇمىسپەن قامتۋى ءۇشىن ءتۇرلى باعىتتا جۇمىستار جۇرگىزىلىپ جاتقانىنان حاباردار ەتتى.
«قوستاناي وبلىسىندا بەيرەسمي جۇمىسپەن قامتىلعان ازاماتتاردىڭ مارتەبەسىن انىقتاۋ, فورماليزاتسيالاۋ قىزۋ جۇرگىزىلىپ جاتىر. جىل باسىندا بەيرەسمي جۇمىس ىستەيتىن 133,2 مىڭ ادامنىڭ مارتەبەسى انىقتالماعان ەدى, قازىر ولاردىڭ 31,1 مىڭى مەملەكەتتىك ورگانداردىڭ مالىمەت بازاسىنا تىركەلدى. وسىلاردىڭ اراسىندا جالدامالى جۇمىس ىستەيتىن 12000 ادامعا جۇمىس بەرۋشىلەر زەينەتاقى جارناسىن اۋدارا باستادى» دەدى وبلىس اكىمىنىڭ ورىنباسارى مارات جۇندىباەۆ. وسىنداي شارالار اتقارىلسا دا, وبلىس وڭىرىندە ءالى دە مارتەبەسى انىقتالماعان 14,8 مىڭ ادام بار. سەلولىق وكرۋگتەردە جۇمىسسىزدارمەن جانە ءوزىن ءوزى جۇمىسپەن قامتىعاندارمەن ولاردىڭ مارتەبەسىن بەلگىلەۋ جونىندە اڭگىمەلەر جۇرگىزىلەدى, تۇسىندىرىلەدى.
كوشپەلى وتىرىستى الەۋمەتتىك-مادەني دامۋ جانە عىلىم كوميتەتىنىڭ ءتورايىمى بىرعانىم ءايتىموۆا قورىتىندىلادى. قازىر «بەيرەسمي جۇمىسپەن قامتىلعانداردىڭ قىزمەتىن زاڭداستىرۋ ماسەلەلەرى بويىنشا, قازاقستان رەسپۋبليكاسىنىڭ كەيبىر زاڭنامالىق اكتىلەرگە وزگەرىستەر ەنگىزۋ تۋرالى» ءتيىستى زاڭ جوباسى ازىرلەنۋدە. اتالعان زاڭ جوباسىندا جۇمىسپەن قامتىلعانداردىڭ جانە ءوزىن ءوزى جۇمىسپەن قامتىعان حالىقتىڭ بىرىڭعاي تۇسىنىگى مەن ولاردىڭ ساناتتارى انىقتالادى.
ءنازيرا جارىمبەت,
«ەگەمەن قازاقستان»
قوستاناي
