ءبىزدىڭ ونىمدەرىمىز قازاقستان رەسپۋبليكاسى اۋماعىندا عانا ەمەس, كەدەن وداعىنا مۇشە ەلدەرگە, باسقا دا شەت مەملەكەتتەرگە ەكسپورتتالادى.
وسى ورايدا «استانا-1» باعدارلاماسى ىسكە قوسىلعاننان كەيىن سەرىكتەستىك ونىمدەرىن ەكسپورتقا شىعارۋ كەزىندەگى كەدەندىك راسىمدەۋ پروتسەدۋرالارى ايتارلىقتاي جەڭىلدەگەنىن ايرىقشا اتاپ وتكىم كەلەدى.
«استانا-1» باعدارلاماسى قولدانىسقا ەنگىزىلگەنگە دەيىن ءبىز ءاربىر دەكلاراتسياعا قوسىمشا قۇجات پاكەتتەرىن تىركەپ, كەدەندىك راسىمدەۋ ورتالىعىنا اپارىپ وتكىزۋگە ءماجبۇر بولاتىنبىز. قازىر جۇمىس باسقاشا جۇرگىزىلەدى. بىرىنشىدەن, ءبىزدىڭ ءونىمىمىز ەكسپورتقا تاۋلىك بويى شىعارىلاتىنىن ەسكەرسەك, «استانا-1» باعدارلاماسىنىڭ كەدەندىك دەكلاراتسيالاۋدى تاۋلىك بويى ۇزدىكسىز جۇرگىزۋگە مۇمكىندىك بەرەدى. ەكىنشىدەن, ماتەريالدىق شىعىندار ازايدى. ەلەكتروندى دەكلاراتسيالاۋ جۇيەسىن جەتىلدىرۋ ارقىلى تاۋار ەكسپورتتاۋعا قاجەتتى قۇجاتتار سانى ايتارلىقتاي ازايدى. وسىلايشا ۋاقىت پەن ماتەريالدىق شىعىنداردى ۇنەمدەۋ ءوندىرىس اۋقىمىن كەڭەيتۋگە جانە كاسىپورىننىڭ باسقا دا قاجەتتىلىكتەرىن وتەۋگە جول اشىپ وتىر. قازىر قىرۋار جۇمىستىڭ ءبارىن ەشقايدا بارماي-اق, جۇمىس ورنىمىزدا وتىرىپ اتقاراتىن بولدىق. جاڭا اقپاراتتىق جۇيە باعا ولشەمدەرىن باقىلاۋدى, بەيتاريفتىك رەتتەۋدى ءوزى جۇرگىزەدى. تاعى ءبىر اتاپ وتەرلىگى, بۇل اقپاراتتىق جۇيە قولدانۋشىلارعا تەگىن ۇسىنىلدى.
ءبىر سوزبەن ايتقاندا, اتالعان اقپاراتتىق جۇيە بيزنەس ءۇشىن وتە ءتيىمدى. قازاقستان ۇكىمەتىنە «استانا-1» باعدارلاماسىن ىسكە قوسۋدا اتقارعان جۇمىسى ءۇشىن زور العىسىمىزدى بىلدىرەمىز.
يۋليا ششەپوۆا,
«KSP Steel» جشس-نىڭ كەدەندىك
راسىمدەۋ جونىندەگى مەنەدجەرى
