«رۋحاني جاڭعىرۋ» باعدارلاماسى اياسىندا ۇيىمداستىرىلعان بايقاۋدىڭ اشىلۋ سالتاناتىندا وبلىس اكىمىنىڭ ورىنباسارى ماديار قوجاحمەت ەلىمىزدىڭ ايماقتارىنان كەلگەن 300-دەي ونەرپازعا جىلى لەبىزىن ارنادى.
شىعارماشىلىق ۇجىمداردىڭ ءوزارا بايلانىسىن ارتتىرىپ, تالانتتىلاردىڭ ونەرىنە قولداۋ جاساۋدى دىتتەگەن فەستيۆالدا ءتورت وركەستردىڭ, بەس فولكلورلىق ءانسامبلدىڭ سۇيەمەلدەۋىمەن سەگىز سەرىنىڭ اندەرى ورىندالدى.
استانا قالاسى فيلارمونياسىنىڭ حالىق مۋزىكاسى ءانسامبلىنىڭ جەتەكشىسى توعجان جاحين مۇنداي فەستيۆالدەردى جۇيەلى تۇردە ۇيىمداستىرۋدىڭ قاجەتتىگىن اتاپ ءوتتى.
«ۇلتتىق اندەرىمىز بەن كۇيلەرىمىز ارقىلى جاس ۇرپاق بويىنا تۋعان جەرگە, ەلگە دەگەن ازاماتتىق سۇيىسپەنشىلىگىن ورنىقتىرۋىمىز كەرەك.سوڭعى جىلدارى جاستاردىڭ حالىقتىق مۋزىكاعا دەگەن قوشەمەتى ارتىپ كەلەدى. ەندى سەگىز سەرى شىعارمالارىن دا جاقسى بىلەتىن بولادى», دەيدى ول.
فەستيۆال شەڭبەرىندە ءتورت كونتسەرت قويىلىپ, ونىڭ سوڭى اۋقىمدى گالا-كونتسەرتكە ۇلاستى.
ءومىر ەسقالي
«ەگەمەن قازاقستان»
سولتۇستىك قازاقستان وبلىسى
