كەزدەسۋدە باسىلىم باسشىسى دارحان قىدىرالى وقۋشىلارعا «ەگەمەن قازاقستان» گازەتىنىڭ تاريحى, ونى ءار جىلدارى باسقارعان الاش قايراتكەرلەرى تۋرالى اڭگىمەلەپ, وندىرىستىك-شىعارماشىلىق جۇمىستىڭ بارىسىمەن تانىستىردى. سونداي-اق ەلىمىزدەگى جوعارى وقۋ ورىندارىنىڭ ستۋدەنتتەرىنە ارنالعان «ەگەمەن اكادەمياسى» جۇمىس ىستەپ جاتقانىنان دا حاباردار ەتتى. بولاشاقتا جۋرناليستيكا ماماندىعىنا تۇسكەن ستۋدەنتتەر وسى «ەگەمەن اكادەمياسى» ارقىلى قازاق جۋرناليستيكاسىنىڭ ۇستاحاناسى سانالاتىن باس باسىلىمنىڭ تاجىريبەسىمەن, بۇگىنگى زاماناۋي مەديا-ترەندتەرمەن تانىسا الاتىندىعىن اتاپ ءوتتى.
كەزدەسۋگە كەلگەن وقۋشىلار دا جالپى جۋرناليستيكاعا, گازەت وندىرىسىنە جانە قازاق ءتىلىنىڭ لاتىن گرافيكاسىنداعى الىپبيىنە قاتىستى وزدەرىن قىزىقتىراتىن ساۋالدارىن قويىپ, ەگجەي-تەگجەيلى جاۋاپ الدى. سونىمەن قاتار گازەتتىڭ بۇگىنگى سانى قالاي ازىرلەنىپ جاتقانىن كورىپ, بەتتەۋ-ديزاين ءبولىمىنىڭ جۇمىسىمەن تانىستى. باسىلىم باسشىسى وقۋشىلارعا ىزگى تىلەگىن ارناپ, «ەگەمەن قازاقستان كىتاپحاناسى» سەرياسىمەن شىققان كىتاپتاردى تارتۋ ەتتى.
ايتا كەتەيىك, كەزدەسۋگە كەلگەن وقۋشىلار – تەلەجۋرناليست ارگەنتينا جانىبەكتىڭ مەديا ورتالىعىنىڭ تالىمگەرلەرى.
ايان ءابدۋالي,
«ەگەمەن قازاقستان»
