ورتالىقتار 2 جىل ىشىندە 10 ميلليوننان استام قىزمەت كورسەتسە, ونىڭ 7 ميلليونى ەلەكتروندىق نۇسقادا. سونداي-اق, وڭىرلىك كوممۋنيكاتسيالار قىزمەتىندە وتكەن بريفينگتە وبلىستىق «حالىققا قىزمەت كورسەتۋ ورتالىعى» دەپارتامەنتىنىڭ ديرەكتورى ەركەبۇلان السەيىتوۆ جىل باسىنان قازىرگە دەيىن كورسەتىلگەن 1 ملن. 600 مىڭنان استام قىزمەتتىڭ 1 ميلليونى ەلەكتروندى نۇسقادا بولعانىن اتاپ ءوتتى. بۇگىندە ازاماتتارعا كورسەتىلەتىن مەملەكەتتىك قىزمەت تۇرلەرىنىڭ سانى 621-گە جەتىپ وتىر. ەكى جىل ىشىندە ازاماتتارعا اۆتوكولىكتى قايتا تىركەۋ بويىنشا 202 مىڭعا جۋىق قىزمەت كورسەتىلىپ, 70 مىڭداي جۇرگىزۋشى كۋالىگى بەرىلگەن. ال 2018 جىلدىڭ باسىنان بەرى 62 مىڭنان استام اۆتوكولىكتى قايتا تىركەۋ قۇجاتى قابىلدانسا, 13 مىڭعا جۋىق جۇرگىزۋشى كۋالىگى تاپسىرىلعان. دەپارتامەنت باسشىسىنىڭ ايتۋىنشا, «Connection point» (وزىنە-ءوزى قىزمەت ەتۋ سەكتورى) جۇيەسى ارقىلى ەكى جىل ىشىندە 1 ملن. 800 مىڭ قىزمەت كورسەتىلىپتى.
ال پرواكتيۆتى قىزمەتتى (جاڭا تۋعان نارەستەلەرگە «sms» ارقىلى تۋ تۋرالى كۋالىك الۋ) 3 مىڭنان استام انا قولدانعان. ەكى جىل ىشىندە وبلىس بويىنشا حقكو ماماندارى مۇمكىندىگى شەكتەۋلى ازاماتتاردىڭ ۇيلەرىنە بارىپ, 10 مىڭعا جۋىق قىزمەت كورسەتكەن.
ەركىن دوسىمباي,
وڭتۇستىك قازاقستان وبلىسى
