قورىق قىزمەتكەرلەرى قاۋ بوپ كەتكەن قۇرعاق شوپتەردى ورتەگەن. بىراق جەلدىڭ كۇشەيۋى ناتيجەسىندە وت باقىلاۋدان شىعىپ, قورىق اۋماعىنىڭ «اقبۇلاق» شاتقالىنا اۋىستى. دالا ورتىنە ۇلاسقان. قوستاناي وبلىسى بويىنشا «قازگيدرومەت» رمك فيليالىنىڭ قارامەڭدى سەلوسىنداعى مەتەوستانتسياسىنىڭ مالىمەتى بويىنشا, ناۋىرزىم اۋدانىندا جەلدىڭ جىلدامدىعى 19 م/س جەتكەن.
ءورتتى سوندىرۋگە 128 ادام جانە 26 تەحنيكا, تاعى دا كۇش پەن قۇرالدار قاتىستىرىلدى. سونىڭ ىشىندە ءتىدسىز جاۋدى اۋىزدىقتاۋعا قوستاناي وبلىسىنىڭ تجد, جەرگىلىكتى اتقارۋشى ورگاندار مەن قورىقتىڭ ەرىكتى ورتكە قارسى قۇرىلىمدارى تارتىلعان.
ءورت شامامەن 500 گەكتار جەردى قامتىعان. ايتەۋىر, ورمان القابىنا قاۋىپ جانە جاراقات العاندار مەن قۇرباندار بولعان جوق. كەشكە قاراي تۇتانعان وتتى تۇنگى 23 ساعات 45 مينۋتتا تۇگەل سوندىرگەن.
ءورت ورنىندا قوستاناي وبلىسىنىڭ ءىىد جەدەل-تەرگەۋ توبى جۇمىس جۇرگىزىپ جاتىر. قازاقستان رەسپۋبليكاسى قىلمىستىق كودەكسىنىڭ ء«ورت قاۋىپسىزدىك تالاپتارىن بۇزۋ» دەپ اتالاتىن 292-بابى بويىنشا قىلمىستىق ءىس قوزعالدى.
ءنازيرا جارىمبەت,
«ەگەمەن قازقستان»
قوستاناي
