اقتوبە وبلىسى پروكۋرورىنىڭ ءبىرىنشى ورىنباسارى لاۋازىمىنا اعا ادىلەت كەڭەسشىسى ايدوس سەرىكحان ۇلى مايلىباەۆ تاعايىندالدى.
ا.مايلىباەۆ 1977 جىلى الماتى قالاسىندا دۇنيەگە كەلگەن. ورتا ازيالىق ۋنيۆەرسيتەتىن, الماتى حالىقارالىق جۋرناليستيكا ينستيتۋتىن جانە م.ح. دۋلاتي اتىنداعى تاراز مەملەكەتتىك ۋنيۆەرسيتەتىن يۋريسپرۋدەنتسيا, حالىقارالىق جۋرناليستيكا جانە ەكونوميكا ماماندىقتارى بويىنشا ءبىتىردى.
پروكۋراتۋرا ورگاندارىنداعى قىزمەتىن جامبىل وبلىسىندا اۋدان پروكۋراتۋراسىنىڭ ءبولىم پروكۋرورى رەتىندە باستادى, جامبىل جانە قورداي اۋدانى پروكۋرورىنىڭ ورىنباسارى بولىپ قىزمەت ەتتى.
2009-2012 جىلدار ارالىعىندا الماتى وبلىسى پروكۋراتۋراسىنىڭ جامبىل جانە پانفيلوۆ اۋدانى پروكۋرورى قىزمەتىن اتقاردى.
زاڭدىلىق پەن قوعامدىق ءتارتىپتى قامتاماسىز ەتۋدەگى جەتكەن جەتىستىكتەرى ءۇشىن مەملەكەت باسشىسىنىڭ جارلىعىمەن «جاۋىنگەرلىك ەرلىگى ءۇشىن» مەدالىمەن ماراپاتتالدى.
تاعايىنداۋعا دەيىن جامبىل وبلىسى پروكۋرورىنىڭ ورىنباسارى لاۋازىمىندا بولدى.
پروكۋراتۋرا ورگاندارىنداعى ەڭبەك ءوتىلى 16 جىلدان اسادى.
***
جامبىل وبلىسى پروكۋرورىنىڭ ورىنباسارى لاۋازىمىنا اعا ادىلەت كەڭەسشىسى جارقىن قۋانىش ۇلى قۇسايىنوۆ تاعايىندالدى.
ج.قۇسايىنوۆ 1976 جىلى الماتى قالاسىندا تۋعان. قازاق مەملەكەتتىك زاڭ ۋنيۆەرسيتەتىن قۇقىقتانۋ ماماندىعى بويىنشا ءبىتىردى.
ەڭبەك جولىن 1993 جىلى باس پروكۋراتۋرانىڭ ىستەرىن باسقارۋ كەڭسەسىنىڭ ينسپەكتورىنان باستاپ, الماتى گارنيزونىنىڭ اسكەري پروكۋرورىنىڭ كومەكشىسى, اعا كومەكشىسى, باس اسكەري پروكۋراتۋرانىڭ ءبولىم پروكۋرورى, اعا پروكۋرورى, الماتى قالاسى پروكۋراتۋراسىنىڭ باسقارما پروكۋرورى, باسقارما باستىعىنىڭ ورىنباسارى قىزمەتتەرىن اتقاردى.
باسشىلىق لاۋازىمداردا ەڭبەك تاجىريبەسى مول. الماتى قالاسى پروكۋراتۋراسىنىڭ مەدەۋ, اۋەزوۆ اۋدانى پروكۋرورىنىڭ ورىنباسارى, باس پروكۋراتۋرا دەپارتامەنتى ءبولىمىنىڭ باستىعى, الماتى قالاسى پروكۋراتۋراسىنىڭ باسقارما باستىعى بولدى.
زاڭدىلىق پەن قوعامدىق ءتارتىپتى قامتاماسىز ەتۋدەگى جەتكەن جەتىستىكتەرى ءۇشىن مەملەكەت باسشىسىنىڭ جارلىعىمەن «جاۋىنگەرلىك ەرلىگى ءۇشىن» مەدالىمەن ماراپاتتالدى.
تاعايىنداۋعا دەيىن الماتى قالاسى مەدەۋ اۋدانىنىڭ پروكۋرورى لاۋازىمىندا بولدى.
پروكۋراتۋرا ورگاندارىنداعى ەڭبەك ءوتىلى 20 جىلدان اسادى.
***
الماتى قالاسى اۋەزوۆ اۋدانى پروكۋرورىنىڭ لاۋازىمىنا ادىلەت كەڭەسشىسى مۇرات ءاجىنۇر ۇلى تىلەۋبەرديەۆ تاعايىندالدى.
م.تىلەۋبەرديەۆ 1973 جىلى الماتى وبلىسىندا دۇنيەگە كەلدى. قازاق مەملەكەتتىك زاڭ ۋنيۆەرسيتەتىن قۇقىقتانۋ ماماندىعى بويىنشا ءبىتىردى.
الماتى قالاسى اۋدان پروكۋراتۋراسىندا پروكۋروردىڭ كومەكشىسى, اعا كومەكشىسى, الماتى قالاسى پروكۋرورىنىڭ كومەكشىسى, الماتى قالاسى پروكۋراتۋراسىنىڭ باسقارما باستىعىنىڭ ورىنباسارى, باسقارما باستىعى قىزمەتتەرىندە ەڭبەك ەتتى.
تاعايىنداۋعا دەيىن الماتى قالاسى پروكۋراتۋراسىندا قوعامدىق مۇددەنى قورعاۋ باسقارماسىندا پروكۋروردىڭ اعا كومەكشىسى قىزمەتىن اتقاردى.
پروكۋراتۋرا ورگاندارىنداعى ەڭبەك ءوتىلى 18 جىلدان اسادى.
***
اقمولا وبلىسىنىڭ كوكشەتاۋ قالاسى پروكۋرورى لاۋازىمىنا ادىلەت پولكوۆنيگى قۋات امانبەك ۇلى ءابدىحانوۆ تاعايىندالدى.
ق.ءابدىحانوۆ 1978 جىلى جەزقازعان وبلىسىنىڭ قارابۇلاق اۋىلىندا دۇنيەگە كەلگەن. ە.ا. بوكەتوۆ اتىنداعى قاراعاندى مەملەكەتتىك ۋنيۆەرسيتەتىن حالىقارالىق قۇقىق ماماندىعى بويىنشا اياقتادى.
ءار كەزەڭدە قاراعاندى قالاسىنىڭ قازىبەك بي اۋدانى پروكۋرورىنىڭ كومەكشىسى, قاراعاندى وبلىسى جانە استانا قالاسى پروكۋراتۋرالارىنىڭ باسقارما پروكۋرورى, باس پروكۋراتۋرانىڭ دەپارتامەنتى ءبولىمىنىڭ اعا پروكۋرورى قىزمەتتەرىن اتقاردى.
2009 جىلدىڭ شىلدە ايىنان بۇگىنگە دەيىن باس اسكەري پروكۋراتۋرانىڭ قوعامدىق مۇددەنى قورعاۋ باسقارماسىنىڭ باستىعى بولدى.
زاڭدىلىق پەن قوعامدىق ءتارتىپتى قامتاماسىز ەتۋدەگى جەتكەن جەتىستىكتەرى ءۇشىن مەملەكەت باسشىسىنىڭ جارلىعىمەن «جاۋىنگەرلىك ەرلىگى ءۇشىن» مەدالىمەن ماراپاتتالدى.
پروكۋراتۋرا ورگاندارىنداعى ەڭبەك ءوتىلى 17 جىل.
