تەاتر • 09 ءساۋىر، 2018

«ناز» بي تەاترى «U-Sana» بي سپەكتاكلىن ۇسىندى

349 رەتكورسەتىلدى

استانا قالاسى اكىمدىگىنىڭ «ناز» مەملەكەتتىك بي تەاترى «U-Sana» بي سپەكتاكلىندە الەۋمەتتىك ءمانى زور ماسەلەنى كوپشىلىك نازارىنا ۇسىندى.

 

بارلىعى كورشى بالانىڭ پلان­شەتىنەن باستالدى. الدىمەن جاس­­وسپىرىمدەردىڭ گادجەتكە­ تاۋەل­­­­­­­دىلىگىنىڭ ءوزى قايدان شى­­­عۋ­دا؟ زا­مان اعىمىنان قا­لۋ­عا بولمايتىن، اقپاراتتىق جىل­­­­دام­­دىققا كوز ىلەسپەيتىن ۋا­قىت­تا ءداس­­تۇرلى قۇندىلىقتار ءما­نى­نىڭ سول­­­عىنداۋىنان با، الدە قو­عام­داعى اتا-انا مەن بالا، دوس-جاران­­­مەن پەن قارىم-قاتىناستىڭ باسقا دەڭگەيگە اۋىسۋىنان، ال­دە ىعىسۋىنان دەيسىز بە، الدە ۆير­تۋالدى الەمدەگى ىقپالدىڭ ساناعا تيگىزەر اسەرىنەن دەيسىز بە؟ سپەكتاكل وسى ساۋالدارعا جاۋاپ ىزدەگەندەي.

ەرمەك، ايگۇل، ەركىن – ءبىر ءۇيدىڭ بالالارى. ەركىن اۋىلدا اجەسىنىڭ تار­بيەسىن كورگەن، تاي ءمىنىپ، اسىق ويناعان، دومبى­رانىڭ ۇنىنە ەلتي­تىن كەنجە ۇل بولسا، ەرمەك پەن ايگۇل ساباق­تارىن وتە جاقسى وقىپ، اتا-انا­­سىنا قولعابىس جا­ساپ، ءىنى­سىنىڭ ساباق وقۋىنا دا كو­ڭىل ءبو­­لىپ، كىتاپ اقتارىپ با­لا­­لىق قى­زىق­تارىن بىلىممەن ۇش­تاستى­راتىن جەتكىنشەكتەر. بىراق وسى باقىتتى ءومىر اسان ات­تى كورشى بالانىڭ پلانشەتپەن ويناپ جۇر­گەنىن كورگەن سوڭ نىلدەي بۇ­زىلادى. بالالاردىڭ وعان قات­تى قىزىققانى سونداي، وت­با­سىنداعى وتە قۇندى، اناسى ءۇشىن قيماس دومبىرانى پلانشەتكە ايىرباستايدى. ەركىن دومبى­رانى قيماي قانشا قيىلسا دا، ۇل­كەن ەكى بالاسىنىڭ كوڭىلى ءۇشىن انا سول قادامعا باردى. الايدا ويىنعا بەرىلگەن بالالار اناسى مەن كىتاپتى تىڭداۋدان قالىپ، كومپيۋتەرلىك ويىندار يەسى ۋ-سانانىڭ ىقپالىنا كوشەدى. ساحنادا – گادجەت جەتەگىنە ىلەسىپ، بالالىق كەيپىنەن وزگەرىپ كەتكەن جەتكىنشەك. شيىرشىق اتىپ، جان كۇيزەلىسىنە ءتۇسىپ، شارق ۇرعان انا. انا رولىندە ءبيشى گاۋحار يسماعۇلوۆا بي تىلىمەن وسى ءبىر ىشكى يىرىمدەردى شەبەر جەتكىزەدى.

ساحناداعى ۋ-سانانىڭ (قار­لىعاش ناسەن) ىقپالى وتە زور. قيمىلى ءابجىل، قۇدىرەتىنىڭ كۇشىن بىلگەن ۋ-سانا پاتشايىم بالا بىتكەننىڭ وي-ساناسىن جاۋلاعان. الدىندا عانا انا الدىندا تال­شىبىقتاي ءيىلىپ جۇرگەن بالالار قۇرىققا تۇسكەندە روبوتقا اينالعانداي. بار زەيىندەرى، ەسىل-دەرتى تەك قولدارىنداعى گاد­جەتتە. زالداعى كورەرمەن تىم-تىرىس. ۋلانعان ايگۇل (اي­دانا دايراباەۆا) جانارى شوق­تاي جانىپ، زالعا كوز تىككەن. جان­دى دەنەدەن گورى پۋلتپەن باس­قارىلاتىن كومپيۋتەرلىك ويىن­دارداعى بەينەلەرگە اينال­عان بالالار بىرىنەن سوڭ ءبىرى كو­رەر­مەندەر زالىن قاق جارىپ ساح­­­ناعا بەتتەگەن. قولىنداعى پلان­شەتىمەن قىزىقتىرىپ، زال ارالاپ كەتكەن كورشى بالا اسان­نىڭ قارماعىنا (مارعۇلان ءجۇ­نىسوۆ) ءدال قازىر-اق تالاي جەت­كىنشەك تۇسەردەي. ەلىكتىرەدى، قى­زىقتىرادى، ءتۇرلى ويىننىڭ كە­رەمەتتەرىن بەرىلە كورسەتەدى. ال جان قارمانا بالالارىن ىزدەپ، تابا الماي شيىرشىق اتىپ، شارق ۇرعان انا جانىندا ۇلتتىق رۋ­حى ولمەگەن كەنجەسى ەركىن (ەر­جان قۇدايبەرگەنوۆ) عانا. بالالار تابىلدى. بىراق ولار ۋ-سانانىڭ ىقپالىنان شىعا المايدى. ۋ-سانانىڭ ق ۇلىنا اينالعان بالالار وتكەن ءومىرىن ۇمىتىپ، ىزدەپ كەلگەن باۋىرىنا دا قارامايتىن جاعدايعا تۇسكەن.

ساحنادا ارپالىستى بي. دەكو­راتسيادا، لەد ەكراندا شىر­­ما­ۋىققا شىرمالىپ الىس­تاپ كەتكەن دومبىرا سۋرەتى. ۋ-سانا شەڭگەلى قۋسىرىپ بارادى. جان­ۇشىرعان انا مەن بالا ويىنعا تاۋەلدى قىمباتتارىن تۇتقىننان شى­عارۋعا، بۇرىنعى ومىرلەرىنە قايتا اكەلۋگە بار كۇشىن جۇمسايدى.

نەگە بۇلاي بولدى؟ تابان تى­رەر تۇرلاۋى، رۋحاني دىڭگەگى وسال ما؟ سولاي ءتارىزدى. اتا-بابادان جەت­كەن ءدىل، تانىم، كوزقاراس، ءداس­تۇر بايلانىسى قاي جەردەن ءۇزىلدى؟ دومبىرا، قامشى، اسىق ءتارىزدى قۇندىلىقتاردى تارك ەتپەي، بويداعى قانمەن بە­رىلگەن ۇلتتىق رۋحتىڭ دىڭىنە قۇرت تۇسپەسە، تامىردان جەتكەن ءنار جاس شىبىقتى ءيىلتىپ، بۇك­تىرگەنىمەن ج ۇلىپ اكەتە المايدى ەكەن. اناسىمەن بىرگە ۋ-سانامەن ارپالىسقان ەركىن سول تامىرىن ۇزبەگەن شىبىق. سپەكتاكلدىڭ ناعىز شارىقتاۋ شەگى. اناسى مەن ەركىن ۋ-سانا باسىنداعى ءتاجدى شەشۋىمەن بارلىق بالا روبوتتىق كەيىپتەن، ساناسى ۋلانعان، ويىنپاز، ويسىز بەينەدەن ارىلىپ، سانالى جەتكىنشەكتەرگە اينالادى. ۋ-سانا جەڭىلدى.

كەيىنگى بۋىن بويىندا قاۋقار بار ەكەن، كۇرەسە الادى ەكەن. ەر­كىن باۋىرلارىن جاماندىقتان قۇت­قارىپ، بۇرىنعى ومىرلەرىنە قايتا اكەلەدى. قويىلىم عالامتور جەتەگىندە كەتىپ، بىلىمنەن الىس­تاپ، تەك قانا ويىننىڭ سوڭىنا تۇسكەن بالالاردى ءبىلىم الەمىنە جەتەلەيدى.

الەمدىك ماسەلەگە اينالعان ۆيرتۋالدى الەمگە تاۋەلدىلىك تاقىرىبىن قوزعاعان قويىلىم «ناز» بي تەاترىنىڭ الەۋەتىن، ەل الدىن­دا­عى جاۋاپكەرشىلىگىن دە كور­سەت­كەندەي. ليبرەتتو اۆتورى سا­عادىلدا ءۇسىبالى، قويۋشى حورەوگرافتار ارمان بايماعامبەتوۆ، ۇلان يزەناەۆ، ساعيت دۇزباەۆ، كومپوزيتور ارلەۋشى بايدالى رىسپانبەت، تەاتردىڭ كوركەمدىك جەتەكشىسى، باس بالەتمەيستەرى قاديشا اعىمباەۆانىڭ ۇيلە­سىمگە ۇمتىلعان قيمىلىمەن، الەۋ­مەتتىك ءمانى زور ماسەلەنى ساح­ناعا الىپ شىعىپ، كىشكەنتاي كو­رەرمەندەرگە ۇسىنۋىن ۇلكەن جە­تىستىك دەپ باعالاعان ورىندى. ەستەرىڭىزگە سالا كەتەيىك، ليبرەتتو اۆتورى ساعادىلدا ءۇسىبالى تۇڭعىش «قازاق ەلى»  انيماتسيالىق ءفيلمىنىڭ ستسەناريىن جازعان، بالالار تاقىرىبىنا قالام تارتىپ­ جۇرگەن قالامگەر بولسا، «ناز» مەملەكەتتىك بي تەاترى سان ءتۇرلى ۇلت پەن ۇلىستاردىڭ بي­­لەرىن، حورەوگرافيالىق قويى­لىمدار مەن كومپوزيتسيالاردى ساحنالاعان قازاقستانداعى بىر­دەن-ءبىر كاسىبي بي تەاترى.

ءىبىر-ءسىبىر جۇرتى دەيتىن قيىر­دى جايلاعان تۇركىتىلدەستەر ىشىندە كاماسين اتتى حالىق بولىپتى. ءوزىنىڭ ءتىلى، مادەنيەتى، ءداستۇرى بار ەدى. اۋەلى ءداستۇرى مەن تىلىنەن ايرىلعان جۇرت قۇم­عا سىڭگەن سۋداي قاراسى كوپ حالىقتىڭ اراسىندا جوعالىپ كەتىپتى. قازىر كاماسيندەر جوق. ال ساحناداعى بي ءتىلى كاماسيندەي جوعالماۋعا ۇندەيدى. قاپاستان شىعىپ، شىرماۋىقتان ارىلعان دومبىرا ۇلتتىق بولمىستىڭ شىراقشىسىنداي كورىندى!

انار تولەۋحانقىزى،

«ەگەمەن قازاقستان»

سوڭعى جاڭالىقتار

ءۇي جانۋارىنان ۆيرۋس جۇعا ما؟

كوروناۆيرۋس • بۇگىن، 18:39

التىن قورىمىز كوبەيىپ كەلە جاتىر

قازاقستان • بۇگىن، 17:30

اقمولادا تاعى ءبىر ناۋقاس انىقتالدى

كوروناۆيرۋس • بۇگىن، 16:07

قارعىن سۋ بالكاشيندى باسىپ قالدى

ايماقتار • بۇگىن، 16:05

تاسقىننىڭ بۇگىنگى احۋالى

ايماقتار • بۇگىن، 15:42

سالەحاردتان كەلگەن تسيكلون

ايماقتار • بۇگىن، 15:30

ەلوردادا جالپى جاعداي تۇراقتى

كوروناۆيرۋس • بۇگىن، 14:50

فۋتبول ماۋسىمى جالعاسا ما؟

سپورت • بۇگىن، 14:48

ۇقساس جاڭالىقتار