سەمينار-كەڭەستە قر مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىگىنىڭ ماڭعىستاۋ وبلىسى بويىنشا دەپارتامەنتىنىڭ مەملەكەتتىك قىزمەت سالاسىن باقىلاۋ باسقارماسىنىڭ باسشىسى ن.دولداشەۆ مەملەكەتتىك قىزمەتشىلەرىنىڭ ادەپ كودەكسىنىڭ تالاپتارىن ساقتاۋ, قىزمەتشىلەردىڭ قىزمەتتىك ادەپ نورمالارىنىڭ تالاپتارىن بۇزۋشىلىعىنىڭ الدىن الۋ باعىتىندا ادەپ جونىندەگى ۋاكىلدىڭ پروفيلاكتيكالىق جۇمىستاردى جانداندىرۋى جانە ونىڭ قىزمەتىن دەربەس نەگىزگە كوشىرۋ تۋرالى ايتىپ ءوتتى.
سونداي-اق, «مەملەكەتتىك قىزمەتشىنىڭ ادەبى جانە مىنەز-ق ۇلىق نورمالارى» نۇسقاۋلىعىنداعى (Pocketbook) جاعداياتتىق مىسالدار نەگىزىندە مەملەكەتتىك قىزمەتشىلەردىڭ جۇمىس ۋاقىتىندا جانە جۇمىستان تىس ۋاقىتتاعى مىنەز-ق ۇلىق قاعيدالارى مەن ولاردىڭ پاراساتتىلىق مادەنيەتىن قالىپتاستىرۋدىڭ نەگىزگى اسپەكتىلەرىنە دە توقتالىپ, مەملەكەتتىك قىزمەتشىلەر اراسىندا جاقىن تۋىستاردىڭ بىرلەسكەن قىزمەتتى اتقارۋى جانە تاعى دا باسقا ماسەلەلەردەن تۋىندايتىن مۇددەلەر قاقتىعىسىن بولعىزباۋ قاجەتتىگى ايتىلدى.
ء وز كەزەگىندە اۋماقتىق دەپارتامەنتتىڭ سىبايلاس جەمقورلىق پروفيلاكتيكاسى باسقارماسىنىڭ باس مامانى ە.جۇماباي زاماناۋي سىبايلاس جەمقورلىققا قارسى زاڭناما تالاپتارىن ءتۇسىندىرىپ, بيىل اگەنتتىكتىڭ باستاماسىمەن جۇزەگە اسىرىلىپ جاتقان جاڭا جوبالارمەن تانىستىردى.
ءىس-شارا سوڭىندا سىبايلاس جەمقورلىققا قارسى سيپاتتاعى بەينەروليك كورسەتىلىپ, ساۋالناما جۇرگىزىلىپ, اقپاراتتىق پاراقشالار تاراتىلدى.
گۇلايىم شىنتەمىرقىزى,
«ەگەمەن قازاقستان»
ماڭعىستاۋ وبلىسى
