رەسپۋبليكا تۇرعىندارى, اسىرەسە جاستار قاۋىمى بۇل باستامانى ەرەكشە ىقىلاسپەن قابىلداعان بولاتىن. اتالعان جوبا اياسىندا اۋىلدىق ەلدi مەكەندەرگە جۇمىس ىستەۋگە جانە تۇرۋعا كەلگەن دەنساۋلىق ساقتاۋ, بiلiم بەرۋ, الەۋمەتتiك قامسىزداندىرۋ, مادەنيەت, سپورت جانە اگروونەركاسىپتىك كەشەن سالاسىنداعى ماماندارعا 70 ايلىق ەسەپتىك كورسەتكىشكە تەڭ كوتەرمە جاردەماقى (ول بۇگىنگى كۇنى 168 مىڭ تەڭگەنى قۇرايدى) جانە 1500 ايلىق ەسەپتىك كورسەتكىشتەن اسپايتىن سومادا (ول 3,6 ملن تەڭگەنى قۇرايدى) تۇرعىن ءۇي ساتىپ الۋعا نەمەسە سالۋعا بيۋدجەتتىك نەسيە تۇرiندە الەۋمەتتiك قولداۋ شارالارى كوزدەلگەن.
جوبانىڭ ىسكە اسىرىلۋى مامانداردىڭ اۋىلعا كوپتەپ بارۋىن ۇلعايتۋعا مۇمكىندىك بەرۋدە. مىسال ءۇشىن ايتار بولساق, وسى جوبا قولعا الىنا باستاعان العاشقى كەزەڭدە اۋىلدىق ەلدى مەكەندەرگە شامامەن 3300 مامان بارسا, قازىر بۇل كورسەتكىش جىلىنا 6000 مامانعا دەيىن ءوسىپ وتىر.
دەگەنمەن اۋىلدىق ەلدى مەكەندەردىڭ تۇرعىندارىمەن كەزدەسۋ بارىسىندا قابىلدانىپ جاتقان قولداۋ شارالارىنا قاراماستان, اۋىلدىق ايماقتاردا الەۋمەتتىك سالا مەن اگروونەركاسىپتىك كەشەندەرىنىڭ ماماندارىنا تاپشىلىق بار ەكەنىن بايقادىق. بيۋدجەتتىك نەسيەلەردىڭ جىل سايىن جەتكىلىكسىز ءبولىنۋى سالدارىنان اۋىلعا كەلىپ جاتقان ماماندار ۋاقتىلى كەزەكتە تۇرىپ, الەۋمەتتىك قولداۋ الا الماۋدا, بۇل ءوز كەزەگىندە كونتينگەنتتىڭ بەلگىلى ءبىر بولىگىندە ءتىپتى شيەلەنىس تۋعىزۋدا.
ءبىزدىڭ ويىمىزشا بۇل ماسەلە بيۋدجەتتىك نەسيەگە قاجەتتىلىكتى بارىنشا قامتۋ ارقىلى عانا شەشىلەدى. وكىنىشكە قاراي, 2018-2020 جىلدارعا ارنالعان رەسپۋبليكالىق بيۋدجەتتى قالىپتاستىرۋ شەڭبەرىندە جەرگىلىكتى اتقارۋشى ورگانداردىڭ بيۋدجەتتىك وتىنىمدەرىنە سايكەس 2018 جىلعا ارنالعان بيۋدجەتتىك نەسيەلەرگە ناقتى قاجەتتىلىك 19 ملرد تەڭگە بولا تۇرا, ول تەك 13,7 ملرد تەڭگە كولەمىندە بەكىتىلدى. وسىنداي شالالىق كىمگە كەرەك؟
بۇگىنگى كۇنى اۋىلدىق ايماقتاردا كادر جەتىسپەۋشىلىگى ماسەلەسى بار ەكەنى بارشامىزعا ايان. ويتكەنى بىلىكتى جاس ماماندار تۇرمىستىق جاعدايدىڭ جوقتىعىنان اۋىلعا بارعىسى كەلمەيدى, ال جاسى جەتكەن كادرلار زەينەتكەرلىككە شىعۋدا. جالپى, ەلىمىزدىڭ ايماقتارى قازىر 2006 مامانعا ءزارۋ, ونىڭ ىشىندە ءبىلىم سالاسىنا – 860, دەنساۋلىق ساقتاۋعا – 768, مادەنيەتكە – 101, سپورتقا – 67 جانە اگروونەركاسىپ كەشەنىنە 153 مامان كەرەك. ءبىر عانا قاراعاندى وبلىسى 98 مامانعا ءزارۋ.
جاقىندا ەلباسى «پرەزيدەنتتىڭ بەس الەۋمەتتىك باستاماسى» ۇندەۋىندە ەل يگىلىگىنە ارنالعان ۇتىمدى جوبالار ۇسىندى. سونىڭ ىشىندە باسىم باعىت – ەل ەرتەڭى سانالاتىن جاستارعا باعىتتالعان. وسىعان وراي, «ديپلوممەن – اۋىلعا» جوباسىنىڭ اياسىندا جاس مامانداردى اۋىلعا تارتۋ ارقىلى شالعاي ەلدى مەكەندەردىڭ تامىرىنا قان جۇگىرتۋگە ارنالعان وسى باعدارلامانى جەتىلدىرۋ ماقساتىندا: 1.ءتيىستى ساراپشىلاردىڭ قاتىسۋىمەن مونيتورينگ جۇرگىزىپ, بۇگىنگى تاڭدا اۋىل مۇقتاج بولىپ وتىرعان ماماندىقتاردىڭ ءتىزىمىن جاساۋ; 2. اۋىلدىق جەرلەرگە بىلىكتى كادرلاردى تارتۋ ماقساتىندا كوتەرمە تولەماقىنىڭ 70 ايلىق ەسەپتىك كورسەتكىشىن 150 ايلىق ەسەپتىك كورسەتكىشكە دەيىن كوتەرۋ; 3. اتالعان جوباعا رەسپۋبليكالىق بيۋدجەتتەن بولىنەتىن قارجىنى بارىنشا ارتتىرۋ قاجەت دەپ سانايمىز. وسى ماسەلەلەر ۇكىمەت باسشىسىنىڭ اتىنا دەپۋتاتتىق ساۋال رەتىندە جولداندى.
رىسقالي ابدىكەروۆ,
سەنات دەپۋتاتى
