كەزدەسۋ بارىسىندا ن.نىعماتۋلين قازاقستان-پولشا قارىم-قاتىناستارىنىڭ نىعايىپ, ونىڭ دامۋىنا قۋاتتى سەرپىن بەرگەن قازاقستان پرەزيدەنتى نۇرسۇلتان نازارباەۆ پەن پولشا پرەزيدەنتى اندجەي دۋدادىڭ ءوزارا ساپارلارى ەكەنىن اتاپ ءوتتى.
ءماجىلىس توراعاسىنىڭ پىكىرىنشە قازاقستان مەن ەۋروپالىق وداق اراسىنداعى كەڭەيتىلگەن ارىپتەستىك جانە ىنتىماقتاستىق تۋرالى كەلىسىمنىڭ شەڭبەرىندە جانە ءبىزدىڭ ەلدىڭ ەۋرازيالىق ەكونوميكالىق وداققا قاتىسۋى ەكىجاقتى ىنتىماقتاستىقتىڭ زور مۇمكىندىكتەرىن اشۋدا. سونداي-اق, ن.نىعماتۋلين ورتالىق ازيا مەن قىتاي نارىعىنا قول جەتكىزۋدى قامتاماسىز ەتۋ ءۇشىن استانا ايماقتاعى ۆارشاۆانىڭ نەگىزگى سەرىكتەسى بولىپ تابىلاتىنىن ايتتى.
ء وز كەزەگىندە سەليم حازبيەۆيچ قازاقستان مەن پولشا اراسىنداعى ساياسي, ديپلوماتيالىق جانە ەكونوميكالىق قاتىناستاردىڭ دەڭگەيىنە جوعارى باعا بەردى. تاراپتار باستى باعىتتاردىڭ اراسىندا كولىك سالاسى, كومىردى وڭدەۋ مەن اۋانى لاستامايتىن «تازا تەحنولوگيالار» جانە ءبىلىم بەرۋ سالاسىنا توقتالدى. كەزدەسۋ بارىسىندا ن.نىعماتۋلين مەن س. حازبيەۆيچ حالىقارالىق كۇن تارتىبىندەگى وزەكتى ماسەلەلەردى تالقىلادى.
ءماجىلىس توراعاسى ديپلوماتتى 2018-2019 جىلدارعا ارنالعان بۇۇ قك تۇراقتى ەمەس مۇشەسى رەتىندە پولشا جۇمىسىنىڭ باستالۋىمەن قۇتتىقتاپ, قازاقستان مەن پولشانىڭ پرەزيدەنتتەرى اتاپ وتكەن قاۋىپسىزدىك كەڭەسىنىڭ بىرلەسكەن جۇمىسىنىڭ اياسىندا ىنتىماقتاستىق تۋرالى ۇستانىمداردىڭ ۇقساستىعىن اتاپ ءوتتى. اسىرەسە, بەيبىتشىلىك پەن قاۋىپسىزدىكتى نىعايتۋ, حالىقارالىق لاڭكەستىك پەن زورلىق-زومبىلىققا قارسى كۇرەس ماسەلەلەرىنە نازار اۋداردى. وسىعان بايلانىستى, بۇۇ الاڭىندا ورتاق مۇددەلەردى ىلگەرىلەتۋدەگى ىنتىماقتاستىقتى نىعايتۋ نيەتىن راستادى.
ەكى ەل اراسىنداعى جان-جاقتى ىنتىماقتاستىقتى دامىتۋعا نۇرلان نىعماتۋلين مەن سەليم حازبيەۆيچ ورتاق مۇددەنى ىلگەرىلەتۋدە پارلامەنتارالىق بەلسەندى ديالوگتى نىعايتۋعا ىقپال ەتەتىنىنە سەنىم ءبىلدىردى. كەزدەسۋ بارىسىندا ءماجىلىس توراعاسى ديپلوماتقا وسى جىلداعى پولشا ەلى ءۇشىن ەرەكشە كۇندەر بولىپ سانالاتىن پولشا تاۋەلسىزدىگىنىڭ 100 جىلدىعى جانە ەۋروپاداعى ەسكى قوس پالاتالى پارلامەنتتىڭ ءبىرى – جالپى سەيمنىڭ العاشقى وتىرىسىنىڭ 550 جىلدىعىن اتاپ ءوتتى.
