ۇلتارالىق تاتۋلىقتى پاش ەتكەن قويىلىم

استانا قالاسىنداعى ك.بايسەيىتوۆا اتىنداعى وپەرا جانە بالەت تەاترىندا قازاقستان حال­قى اسسامبلەياسى «قازاق­ستان­نىڭ دامۋ بانكى» اق قول­داۋىمەن «سامۇرىق» ۇلتتار تەاترى بەلگىلى قازاق جا­زۋ­شىسى, دراماتۋرگ دۋلات يسا­بە­كوۆتىڭ پەساسى نەگىزىندە ساح­نا­لان­عان «باقىت قۇسى» سپەكتاكلىن كورەرمەن نازارىنا ۇسىن­دى. سپەك­تاكلدىڭ رەجيسسەرى نۇرقانات جاقىپباەۆ. قويى­لىم­عا اۋەزوۆ اتىنداعى, لەرمونتوۆ اتىنداعى, ن.ساتس اتىن­داعى ونەر وردا­لا­رى­نىڭ, سون­داي-اق ۇيعىر, كورەي تەاتر­لا­رى­نىڭ تانىمال ارتىستەرى, ت.ءجۇر­گەنوۆ اتىنداعى ۇلتتىق ونەر اكادەمياسىنىڭ ستۋدەنتتەرى قاتىستى. «باقىت قۇسى» بۇل قازىرگى زاماننىڭ وزەكتى ماسەلەلەرىن تەرەڭ فيلوسوفيالىق تۇرعىدان قاراستىراتىن ليريكالىق دراما. تۋعان جەرىن ءسۇيىپ, باعالاي بىلەتىن, ءبىر-بىرىنەن كومەگىن ايامايتىن اۋىل­داستاردىڭ ءومى­رىن سۋرەتتەيدى. قويىلىمدا تىلدەرى بولەك ءتۇرلى ۇلت وكىلدەرى ءوزارا ماحاببات پەن كەلىسىم تىلىندە تۇسىنىسەدى. وندا كورەر­مەندى ەرىكسىز كۇلكىگە تارتاتىن وقيعالار دا بارشىلىق. رۋحاني داستۇرلەردى دامى­تىپ, ادامدارعا ىزگىلىك سىي­لاۋ­دى ال­دى­نا ماقسات ەتىپ العان «سامۇرىق» ۇلتتار تەاترىنىڭ كوركەمدىك جەتەكشىسى ت.جۇرگەنوۆ اتىنداعى ۇلتتىق ونەر اكادەمياسىنىڭ رەكتورى ارىستانبەك مۇحامەدي ۇلى ەكەنىن دە ايتا كەتكەن ءجون. قانات ەسكەندىر, استانا.