كونفەرەنتسيا اياسىندا ء«ححى عاسىرداعى مەملەكەتتىك قىزمەتتى جەتىلدىرۋدەگى سىن-تەگەۋرىندەر, ماسەلەلەر مەن قۇرالدار» تاقىرىبىندا استانا حابىنىڭ سەسسياسى ءوتتى. سەسسيانى استانا حابى باسقارۋ كوميتەتىنىڭ توراعاسى اليحان بايمەنوۆ پەن ASPA اتقارۋشى ديرەكتورى ۋيليام شيلدس اشتى. بۇل وتىرىستا قازاقستان, گرۋزيا, مولدوۆا مەملەكەتتىك ورگاندارىنىڭ وكىلدەرى, سونداي-اق اقش, ۇلىبريتانيا, سينگاپۋر جانە باسقا ەلدەردىڭ ساراپشىلارى مەملەكەتتىك قىزمەتتى جەتىلدىرۋ ماسەلەلەرىن تالقىلادى.
سونىمەن قاتار, اليحان بايمەنوۆ «مەملەكەتتىك قىزمەتتىڭ جاندانۋى: دەموكراتيالىق باسقارۋ مەن تۇراقتى دامۋ ماقساتىندا مەملەكەتتىك قىزمەتتى قايتا قۇرۋ» اتتى سەسسيادا جانە «مەملەكەتتىك باسقارۋ سالاسىنداعى كاسىبي قاۋىمداستىقتار مەن تۇراقتى دامۋ ماقساتتارى» تاقارىبىندا وتكەن حالىقارالىق اسسامبلەيادا بايانداما جاسادى. ءوز سوزىندە ول «مەملەكەتتىك باسقارۋ مودەلى قالاي اتالماسىن, قاي پاراديگمانىڭ يدەياسى باسىم بولماسىن, - ەڭ باستىسى, ول ازاماتتاردىڭ يگىلىگى ءۇشىن جۇمىس ىستەۋى ءتيىس», - دەدى.
ASPA مۇشەلەرى مەن كونفەرەنتسياعا قاتىسۋشىلار حابتىڭ ايماقتاعى جانە ودان تىس ءتيىمدى مەملەكەتتىك قىزمەت جۇيەلەرىن دامىتۋعا قوسىپ كەلە جاتقان جوعارى ۇلەسىن اتاپ ءوتتى. «مەملەكەتتىك قىزمەت سالاسىنداعى استانا حابى مەملەكەتتىك سەكتوردى جەتىلدىرۋگە جانە سول ارقىلى 16 جانە 17 تۇراقتى دامۋ ماقساتتارىنىڭ ورىندالۋىنا بەلسەنە جانە تابىستى اتسالىسىپ كەلەدى», - دەدى ASPA اتقارۋشى ديرەكتورى ۋيليام شيلدس.
امەريكا مەملەكەتتىك باسقارۋ قوعامى (ASPA) – امەريكاندىق مەملەكەتتىك باسقارۋ سالاسىنداعى ەڭ ءىرى جانە كەڭىنەن تانىمال كاسىبي قاۋىمداستىق. 8000-عا جۋىق پراكتيكتەر, زەرتتەۋشىلەر مەن ستۋدەنتتەر قوعامعا مۇشە بولىپ تابىلادى. ASPA مەملەكەتتىك باسقارۋ سالاسىنداعى تەوريا مەن پراكتيكانى ۇشتاستىراتىن پلاتفورما رەتىندە قىزمەت ەتەدى.
