ءبىز جەمقورلىققا قارسىمىز!..

بۇل كۇندەرى ەلىمىزدە «نۇر وتان» حدپ-نىڭ باس­شىل­ىق جاساۋىمەن جەمقور­لىق­قا جول بەرمەۋ جونىندە قارسى فورۋمدار وتكىزىلۋدە. اتالعان قارسىلىق فورۋمى 20 قازان – 20 قاراشا ايلارى ارالىعىن قامتىپ وتىر. جەم­قورلىققا توسقاۋىل قويۋ – بۇل ەل­با­سى­نىڭ ساياساتى. وسى ساياساتتان تۋىنداعان جەمقور­لىق­قا قار­سى بارلىق تاپ­سىر­مالار مەن شارالار وڭىرلەردە قالاي ءجۇ­زەگە اسىرىلۋدا دەگەن ماق­ساتپەن  وبلىس ور­تا­لىعىنا وسى قارسىلىق فو­رۋمىنا قا­تىسۋعا «نۇر وتان» حدپ پار­تياسىنىڭ جەمقور­لىققا قار­سى رەسپۋبليكالىق قوعام­دىق كەڭەسىنىڭ توراعاسى, سەناتور ورالباي ءابدى­كارى­موۆ كەلدى. جەڭ ۇشىنان جال­عاسقان جەم­قورلىق بولسا تىي­ىلماي تۇر. ەلىمىزدىڭ باي­لىعى اركىمنىڭ قولىندا كەتپەس ءۇشىن سىباي­لاس جەمقور­لىققا قارسى كۇرەستى «نۇر وتان» حدپ ءوز قولىنا الىپ, جانداندىرا باستادى. جي­ىنعا وبلىس اكىمى باقىتجان ساعىنتاەۆ قاتىس­تى. جەم­قور­لىقتىڭ  وبلىس  ىشىندە جا­سا­لىپ, قولعا الا­تىن جۇمىس­تا­رىنا  بوگەت جا­سايتىنى دا نا­زار اۋدارتادى. تەندەر ۇتىپ الدىق دەپ وب­لىس جاع­دايىن بىلمەيتىندەر كەلىپ, قۇرىلىسقا, جول سا­لۋعا, سۋ ماسەلەسىنە ارالاسپاق بو­لا­دى. وسىنداي جايلار وب­لىستا ءبىر ەمەس, بىرنەشە رەت كەزدەستى. وبلىس ورتالىعىندا ءوت­كەن قارسىلىق فورۋمىنا وبلىستاعى بارلىق مەملەكەتتىك ورگاندار جانە ۇكىمەتتىك ەمەس ۇيىم وكىلدەرى, پار­تيا­نىڭ وبلىستىق فيليال ءمۇش­ە­لەرى, وبلىستىق ءماسليحات دە­پۋتاتتارى, قۇقىق قورعاۋ ورىن­دارى وكىلدەرى قاتىستى. وندا سىبايلاس جەمقورلىققا بىرىگىپ قارسى تۇرۋ ماقسا­تىن­دا مەملەكەتتىك ورگاندار­دىڭ, قوعامدىق ازاماتتىق ينستي­تۋتتاردىڭ جانە بۇقا­رالىق اقپارات قۇرال­دارى­نىڭ ءرولى مەن ماڭىزى قا­رالدى. وبلىس پروكۋرورى د.سارتاەۆ, وب­لىس­تىق قارجى پوليتسياسى باس­تىعى م.سابانشيەۆ, تارتىپتىك كەڭەس ءتور­اعاسى ن.رامازانوۆ ءسوز سويلەپ, جەم­قور­لىقپەن كۇرەس بارىسىندا ات­قارىپ جاتقان بىرقاتار جۇ­مىستارعا توقتال­دى. وتكەن جىلدارمەن سالىس­تىرعاندا بۇل ىندەتتىڭ جولى ازايا باس­تاعان. مالىمەتتەرگە قارا­عان­دا, پارامەن ۇستال­عانداردىڭ باسىم بولىگى سا­لىق كوميتەتى, حالىققا قىز­مەت كورسەتۋ ور­تالىقتارى, دەنساۋلىق ساقتاۋ سالاسىندا كەزدەسكەن. جىل باسىنان بەرى جەمقورلىققا قاتىسى بار 43 ءىس قوزعالعان. ولاردىڭ 12-ءسى پارا الىپ جاتقان جەرلەرىنەن ۇستالعان. جالپى شىعىن مولشەرى 18 ميلليون تەڭگە كورىنەدى. جەم­قورلىق تۋرالى مالىمەت بەرگەن ازاماتتاردىڭ قۇقى ءوز دەڭگەيىندە قورعالۋى كەرەك, بۇل بولاشاقتا قارالاتىن جۇمىس بولۋى كەرەك, دەدى ءوز سوزىندە ورالباي ابدىكارى­موۆ. بۇگىنگى تاڭدا «نۇر وتان» حدپ وبلىستىق في­ليالى جەمقورلىققا قارسى قو­عامدىق كەڭەس قۇرىپ, قۇ­قىق قورعاۋ ورگاندارىمەن ءبىر­گە بەلسەندى تۇردە جۇمىس اتقارۋدا. بۇدان باسقا دا ءتۇرلى كوميسسيالار جۇمىس جا­سايدى. قازىر وبلىس ورتا­لىعىنداعى كوپتەگەن ورىن­دارىندا پارتيالىق باقىلاۋ پوستىلارى قۇرىلعان. سون­دىقتان بىزدەر بۇل كەسەلگە ءبىرتۇتاس قوعام بولىپ شىق­قان جالپىحالىقتىق كۇ­رەستى, قارسىلىقتى قولداي­مىز, – دەي­دى «نۇر وتان» حدپ جەرگىلىكتى فيليالى مۇشەلەرى. فاريدا بىقاي, پاۆلودار.