تەاتر • 28 ناۋرىز، 2018

استانادا ءى «التىن شىمىلدىق» تەاتر جۇلدەسى تابىستالدى

290 رەت كورسەتىلدى

استانا قالاسىنىڭ ساحنا مايتالماندارى حالىقارالىق تەاتر كۇنىن تويلادى. بيىلعى ونەر مەرەكەسىنىڭ ەرەكشەلىگى سول – ەلوردانىڭ ۇزدىك تەاترلارىنا ءى «التىن شىمىلدىق» تەاتر جۇلدەسى تابىستالدى. اتالعان بايقاۋ استانانىڭ 20 جىلدىق مەرەيتويىنا وراي ارنايى ۇيىمداستىرىلىپ وتىر.

مەرەكەلىك كەش جاستار تەاترى­نىڭ عيماراتىندا ەلوردا اكتەرلەرى مەن رەجيسسەرلەرىنىڭ قىزىل كى­لەمنەن ءوتۋ سالتاناتىمەن باستالىپ، ساحنالىق قۋىرشاقتاردىڭ تەاترلاندىرىلعان قىزىقتى قويىلىمىنا ۇلاستى. ءبىر ايتا كەتەرلىگى، استانالىق تەاتر ۇجىم­دارىنىڭ كاسىبي مەيرامدارىن تويلاۋ ءداستۇرى ەرەكشە. مەرەكەلىك ءىس-شاراعا جاۋاپتى تەاترلار ارنايى تاڭداپ الىنىپ، ءار جىل سايىن سول ونەر وشاعى كەزەگىمەن ەستافەتا بويىنشا سالتاناتتى كەشتى ۇيىمداستىرۋ مۇمكىندىگىنە يە بولادى. بيىل استانانىڭ 20 جىل­دىعى اياسىنداعى تەاتر كۇنىن ۇيىمداستىرۋ كەزەگى م.گور­كي اتىنداعى مەملەكەتتىك اكا­دە­ميالىق ورىس دراما تەاترىنا بەرىل­دى. ۇجىم ءداستۇرلى شارانىڭ فور­ماتى مەن مازمۇنىنا بىرقا­تار جاڭاشىلدىق ەنگىزىپتى. ونىڭ نەگىزگىسى – ارتىستەردىڭ قىزىل كىلەمنەن ءوتۋ شاراسى مەن ۇزدىك­تەرگە قۇرمەت كورسەتۋ Red Carpet وسكار جۇلدەسى فورماتىن­دا وتۋىندە بولدى. ءتىرى ستەندتەر مەن اۋەندەر، اتى اڭىزعا اينال­عان ەلۆيس پرەسلي، زامانعا ساي Bullet Time فوتوسۋرەت ءتۇسى­رۋ قوندىرعىسى كەلگەن مەيمان­دار­دىڭ كوڭىلىن كوتەرىپ، مەرەكەلىك كەشتىڭ شىرايىن كىرگىزدى.

بۇل – سالتاناتتى شارانىڭ ءبىرىنشى ءبولىمى. ال ەكىنشى ءبولىم ساحنادا وتكىزىلدى. مۇندا مەرەكەلىك باعدارلامانى م.گوركي اتىن­داعى اكادەميالىق ورىس دراما تەاترى، ق.قۋانىشباەۆ اتىنداعى قازاق مۋزىكالىق دراما تەاترى، جاستار تەاترى، «ناز» بي تەاترى جانە استانا قالاسى قۋىرشاق تەاترى ۇجىمدارى دايىنداعان تەاترلاندىرىلعان كورىنىستەر قو­ناقتار نازارىنا ۇسىنىلىپ، اس­تانانىڭ 20 جىلدىق مەرەيتويى اياسىندا ءى «التىن شىمىلدىق» تەاتر جۇلدەسى ۇزدىكتەرگە تابىس ەتىلدى. 

قالالىق مادەنيەت جانە سپورت باسقارماسىنىڭ قولداۋىمەن وت­كەن مەرەكەلىك جيىننىڭ شى­مىل­دىعىن استانا قالاسى اكىمىنىڭ ورىنباسارى ەرمەك امانشاەۆ اشىپ، ساحنا مايتالماندارىن ءتول مەرەكەسىمەن قۇتتىقتادى. سال­­تا­ناتتى كەش ودان ءارى «التىن شىمىل­دىق» يەگەرلەرىن ماراپاتتاۋ راسىمىنە ۇلاستى. تاۋەلسىز تەاتر ساراپشىلارىنىڭ شەشىمى بويىنشا «جىل ەنەرگياسى» نوميناتسياسى بويىنشا استانا قالاسى جاستار تەاترىنىڭ «جاساۋىل» ءافسا­ناسى (اۆتورى – جانىش قۇلمام­بەتوۆ، رەجيسسەرى – بەكبو­لات قۇرمانعوجاەۆ) ءى «التىن شى­مىلدىق» تەاتر جۇلدەسىمەن ماراپاتتالدى. 

«جىل قيمىلى» اتالىمىنداعى سىيلىق استانا قالاسى قۋىرشاق تەاترىنا روزا مۇقانوۆانىڭ «ماڭگىلىك بالا بەينە» قويىلىمى ءۇشىن (رەجيسسەرى – قۇرالاي ەشمۇراتوۆا) تابىس ەتىلدى. «جىل كوزقاراسى» نومي­نا­تسياسىندا ق.قۋانىشباەۆ اتىن­داعى قازاق مۋزىكالىق دراما تەاترى ۇجىمى سەرىك تۇرعىن­بەك ۇلىنىڭ ء«شامشى» ەلەگياسى ءۇشىن (رەجيسسەرى – بولات ۇزاقوۆ) ۇزدىك دەپ تانىلدى. «جىل ارەكەتى» جۇلدەسى «ناز» بي تەاترىنا بەرىلسە، م.گوركي اتىنداعى اكادەميالىق ورىس دراما تەاترى ا.پۋشكيننىڭ «ەۆگەني ونەگين» قويىلىمى ءۇشىن (رەجيسسەرى – يۋري كۆياتكوۆسكي) «التىن شىمىلدىق» سىيلىعىنىڭ يەگەرى اتاندى. 

ساحنا مايتالماندارىنىڭ كاسىبي مەرەكەسى وسىلايشا ءوز مارەسىنە جەتتى. ال «التىن شىمىلدىق » ءى تەاتر جۇلدەسى وسى جىلدان باستاپ كاسىبي مەرەكە سايىن استانا تەاترلارى ءۇشىن ۇزدىك قويىلىمدارىنا ءداستۇرلى تۇردە جىل سايىن تاعايىندالىپ، ماۋسىم جاڭالىعىنا اينالعان قويىلىمدار باعالى سىيلىقتارمەن ماراپاتتالاتىن بولادى.

نازەركە جۇماباي،
«ەگەمەن قازاقستان»

سوڭعى جاڭالىقتار

جەتىم كورسەڭ، جەبەي ءجۇر

ايماقتار • كەشە

ار الدىندا ارىلۋ

رۋحانيات • كەشە

كەدەي ەلدەرگە كومەك

ەكونوميكا • كەشە

عاسىر ءاجىمى

ونەر • كەشە

ۇقساس جاڭالىقتار