باس رەداكتور نۇرلان ورازالين: «تامىرى تەرەڭ, رۋحى بيىك بولسىن!»

العاشقى ءنومىرى جارىق كور­گە­نىنە 75 جىل تولىپ وتىرعان گا­زەتتىڭ وسى مەرەكەلىك نومىرىندە باسىلىمنىڭ سول كەزدەگى باس رەداكتورى نۇرلان ورازا­لين­نىڭ جوعارىداعىداي اتپەن ما­قا­لاسى بەرىلىپتى. «ۋاقىتتان عۇ­زىرلى دا قۇدىرەتتى كۇش­تىڭ جوعىن جەر باسىپ ءجۇر­گەن جۇمىر باستى پەندە ءال­دە­قاشان مويىنداعان. ونىڭ تىزگىنىنە ىلىگىپ, جەتەگىنە جۇرمەيتىن نارسە جوق. جاسارۋ, جاڭعىرۋ, الماسۋ سەكىلدى تابيعات-انانىڭ ءماڭ­گىلىك مىنەزىن اڭعارتار قۇ­بىلىستار سول ۋاقىتتىڭ ارقاسىندا جۇزەگە اسادى» دەپ باستاپتى ماقالاسىن نۇرلان اعامىز. مۇنان كەيىن ءوز ءسوزىن وقىرمانىنا بۇكپەسىز اي­تىپ كەلە جاتقان اعا با­سى­لىمنىڭ باستاۋ-بۇلا­عىن­دا احمەت بايتۇرسىنوۆ, ءسا­كەن سەيفۋللين, تۇرار رىس­قۇلوۆ, سماعۇل سادۋاقاسوۆ, ماعجان جۇماباەۆ, مىرجاقىپ دۋلاتوۆ, بەرنياز كۇلەەۆ, وراز جاندوسوۆ, وراز يساەۆ, عابباس توقجانوۆ, مۇحتار اۋەزوۆ, عا­بيت مۇسىرەپوۆ, جۇسىپبەك اي­ماۋى­توۆ, ءسابيت مۇقانوۆ سەكىلدى ۇلتىمىزدىڭ, رۋحاني كوشى­مىز­دىڭ باسشىلارى,  كۇردەلى زا­مان­نىڭ ۇلى تۇلعالارى تۇرۋى­نىڭ ءوزى ۇلتتىق ءباسپاسوزدىڭ ابى­رويى مەن بەدەلىنىڭ قان­شا­لىق زور بولعانىن كورسە­تە­تىن­دى­گىن ايتىپ ءوتىپتى. «قازاق ەلى ءۇشىن قاي كەزدە دە ەلى مەن جەرىنىڭ تۇ­تاستىعىن قىزعىشتاي قورعاۋ ءما­سەلەسى كۇن تارتىبىنەن ءتۇسىپ كور­گەن جوق. بۇدان اۋىر دا كۇردەلى ماسەلەلەر بولعان دا ەمەس» دەي كەلە اتى بىرنەشە مارتە وزگەرگەن باسىلىمنىڭ بۇل ءما­سەلە ۇلى مىندەتى ەكەندىگىنە جانە ول مىندەتتىڭ وزگەرمەي­تىن­دىگىنە توقتالعان. يىعىندا وسى­مەن قاتار پارىز بەن جىگەر-نا­مى­سى قالعىڭقىراپ كەتكەن حا­لىقتىڭ رۋحىن وياتۋ مىندەتى قا­تار تۇرعان باسىلىمنىڭ الدى­نان از كەدەرگىلەر ۇشى­را­س­پا­عاندىعىن, ونىڭ ەڭ اۋىرى ءومىر مەن قوعام تىرشىلىگىن ساياسي بي­لىك­تىڭ – توتاليتارلىق قۇرى­لىم­نىڭ «كوزجۇمباي» سىڭار­ەزۋ بودانىنا بايلاپ-ماتاپ قويىپ, ءوز دەگەنىن ىستەتكەن, ميل­ليونداردى رۋحاني قۇلدىققا سالىپ كەلگەن «بولشەۆيزم ءداۋى­رىنە» بايلانىستى بولعان­دى­عىن ايتىپتى. گازەتتىڭ  وسى كەزدەگى قىزمەتى جاي­ىن­دا بايانداي كەلە: «بۇل ورايدا, باسى­لىمنىڭ بيىككە شىققان ءساتى دە, كۇيىككە باتقان كەزى دە كوپ. شىندىققا شىر­قىراپ ارا تۇسكىسى كەلگەن رەداكتور­لا­رى­مىز ساكەن, تۇرار, سماعۇل, عابباستاردىڭ ءومىرى قالاي اياقتالعانى ەل جادىندا. ءارى-بەرى­دەن سوڭ جۇمىر باستى پەندەنىڭ جاڭىل­ماي­تى­نى كەمدە-كەم. قي­ىن, كۇر­دەلى كەزەڭنەن ءسۇ­رىنبەي وتەر بولسا, قۇ­دىرەتى كۇشتى جارا­تۋشى عانا وتەر. گازەتتى شى­عارىپ وتىرعاندار قۇداي ەمەس, قاتارداعى جۇمىر باس­تى پەندەلەر... ەندەشە, با­سىلىم تا­ريحىنىڭ قايسى ءبىر كە­زەڭ­دەرىنە باعانى ويلا­نىپ, تول­عانىپ ايتقانىمىز ءجون» دەپتى. «تورتكۇل دۇنيەدەن سۇراپ العان تاۋەلسىزدىگىمىزدىڭ تامىرى تەرەڭ, رۋحى بيىك بولسىن! ازات ەلدىڭ اماندىعى مەن ىنتى­ماعىن تىلەيىك! «ەگەمەن قازاق­ستان» ەلگە قىزمەت ەتسىن!» دەپ ماقالاسىن اياقتاپتى.