ۇلىلىقپەن كەزدەسۋ

ول كەزدە دە, وسىدان تۋرا ءبىر جىل بۇرىن توڭىرەك ءدال وسىنداي اق ۇلپاعا مالىنىپ تۇرعان. ول كەزدە دە ءدال وسىن­داي مەرەكەلىك كوڭىل-كۇي بولاتىن. سودان بەرى دە ءبىر جىل وتە شىعىپتى. تالاي-تالاي شارۋا  تىندى­رى­لىپ, قان­شاما ءىس جۇزەگە استى. ونىڭ ءبىرى ەستە, ءبىرى ەستەن شىعىپ تا كەتكەن بولار-اۋ. ال, ەستەن كەتپەيتىنى قىر­عىز­دىڭ تورتكۇل ءدۇ­نيەگە اتى كەت­كەن  داڭقتى پەر­زەنتى شىڭ­عىس تورە­قۇل­ ۇلى ايت­ما­توۆ­تىڭ «ەگەمەن قازاقستان­نىڭ» ۇجىمىن­دا­عى كەزدەسۋى ەدى. ول كىسىنى رەداكتسياعا اتاقتى سۋرەتكەرىمىز ءابىش كەكىلباي باستاپ كەلگەن. بۇل جەلتوقساننىڭ 17-ءسى ەدى. ەگەر كەشەگى ءسابي تاريحقا كوز سالساق, بۇل كۇننىڭ دە سيمۆولدىق ءمانى بار. سول كۇنى ايگىلى جەلتوقسان وقيعا­سىنا دا جەتى جىل تولىپ ەدى. قاشاندا جۇرەگى ەل دەپ سوققان سۋرەتكەردىڭ وسى ءبىر كەلىسىن جۋرناليستىك جۇيرىك كوڭىل سول وقيعامەن ىشتەي ساباقتاستىرادى. كەشەگى وداق الدىندا وسى وقيعانى كەۋدەسىمەن قورعاپ, قاھارلانىپ سويلەگەن سۋرەتكەرمەن سول كۇندەردەگى كەزدەسۋدى باقىتقا بالاعانبىز. سول كۇنى رەداكتسيا قىزمەتكەرلەرىنىڭ قولىندا ءبىر-ءبىر كىتاپ ەدى. تالاي جاقسىلار مەن جايساڭداردىڭ قوناقجاي شاڭىراعىنا اينالعان «ەگەمەن قازاقستاننىڭ» قىزمەتكەرلەرى سول كۇنى ۇلى سۋرەتكەرمەن يىق تىرەستىرىپ وتىرىپ ويلاستى, سىرلاستى, پىكىرلەستى. بۇل ۇلىلىقپەن كەزدەسۋ ەدى... قالي سارسەنباي. بەتتى ازىرلەگەن  سۇڭعات ءالىپباي.