«توتەنشە جاعدايلار دەپارتامەنتىنىڭ بىردە-ءبىر قۇرال جابدىعى جوق. مىسالى, موتوپومپا. جوسپار بويىنشا ول وبلىستا 249 بولۋ كەرەك. ال بىزدە 55-ءى عانا بار, 22 پايىز. ال ەندى كوشپەلى موتوپومپا, ەڭ كەرەگى وسى عوي. نورما بويىنشا 112 بولۋ كەرەك. ال بىزدە ەكەۋ عانا. قايىققا توقتالايىق. ول 69 بولۋ كەرەك. ال بىزدە 14 قانا قايىق بار. ۆەزدەحود, پلاتاحود 55 بولۋ كەرەك. بىرەۋى دە جوق», - دەدى وبلىس باسشىسى.
بۇدان بولەك دانيال احمەتوۆتىڭ دەرەگىنشە, وڭىردە توتەنشە جاعدايلار قىزمەتىندە نورماعا سايكەس 55 كولىك بولۋى كەرەك. ال قازىرگى كەزدە وبلىستا تەك 9 كولىك بار.
«ال ەندى جىگىتتەرىمىز سۋدىڭ باسىندا ءجۇر عوي. ولارعا گيدروكومبينەزون كەرەك. جوسپار بويىنشا 1 مىڭ بولۋ كەرەك, ال بۇكىل وبلىستا 86 عانا. وسى جاعدايعا جاي قارامايىق. وسى جىلدىڭ باسىندا 300 ملن تەڭگە بولدىك. قازىر تاعى دا 200 ملن ءبولىپ تۇرمىز. بىراق وسى ماسەلەنى بىرگە شەشۋگە مۇمكىنشىلىكتى تاۋىپ بەرسەڭىز», - دەدى دانيال احمەتوۆ پرەمەر-مينيستر باقىتجان ساعىنتاەۆقا قاراتا.
وسى تۇستا ۇكىمەت باسشىسى بۇل ۇسىنىستىڭ وتە ورىندى ەكەنىن باسا اتاپ ءوتتى.
«اسقار ۇزاقباي ۇلى, (قر پرەمەر-ءمينيسترىنىڭ ورىنباسارى مامين) قاجەتتى مەملەكەتتىك ورگاندارمەن بىرلەسە وتىرىپ, قاراپ شىعىڭىز. بۇل تەك قانا شىعىس قازاقستان وبلىسىنداعى جاعداي ەمەس. بارلىق وبلىستاردا سونداي بولۋى مۇمكىن», - دەدى باقىتجان ساعىنتاەۆ.
