ء«تورتىنشى ونەركاسىپتىك رەۆوليۋتسيا جاعدايىنداعى دامۋدىڭ جاڭا مۇمكىندىكتەرى» اتتى قازاقستان حالقىنا جولداۋىندا ەلباسى ۇسىنعان 10 مىندەتتىڭ جەتىنشىسى «ادامي كاپيتال – جاڭعىرۋ نەگىزى» دەپ اتالىپ, ءبىلىم بەرۋدىڭ جاڭا ساپاسىنا قالاي جەتۋدى ناقتىلاپ بەردى. ەلباسى: ء«بىلىم بەرۋ باعدارلامالارىنىڭ نەگىزگى باسىمدىعى وزگەرىستەرگە ۇنەمى بەيىم بولۋ جانە جاڭا ءبىلىمدى مەڭگەرۋ قابىلەتىن دامىتۋ بولۋعا ءتيىس», دەپ ءبىلىم بەرۋ سالاسىنداعى دارا دامۋ, ەرەكشە وقىتۋ ساپاسى, ءبىلىم باسەكەلەستىگىن ارتتىرۋ جولىنداعى وزگەرىستەر مەن جاڭارتىلعان مازمۇنى تۋرالى ناقتى قادامداردى انىق جەتكىزگەن.
ەلباسى مادەنيەتىمىز بەن يدەولوگيامىزدى ودان ءارى دامىتۋ دا «رۋحاني جاڭعىرۋدىڭ» ماڭىزدى ەكەنىن: ء«وزىنىڭ تاريحىن, ءتىلىن, مادەنيەتىن بىلەتىن, سونداي-اق زامانىنا لايىق, شەت تىلدەرىن مەڭگەرگەن, وزىق ءارى جاھاندىق كوزقاراسى بار قازاقستاندىق ءبىزدىڭ قوعامىمىزدىڭ يدەالىنا اينالۋعا ءتيىس», دەگەن ءسوزى ارقىلى ءبىلدىردى.
ەلباسى مۇعالىم مارتەبەسىن كوتەرۋ ماقساتىندا قوسىمشا 67 ميلليارد تەڭگە ءبولۋ قاجەتتىگىن ايتىپ, ءبىلىم بەرۋدىڭ جاڭارتىلعان مازمۇنىنا كوشكەن ۇستازداردىڭ لاۋازىمدىق جالاقىسىن 2018 جىلدىڭ 1 قاڭتارىنان باستاپ 30 پايىزعا كوبەيتۋدى تاپسىردى. مەملەكەت باسشىسىنىڭ ءداستۇرلى جولداۋلارىن جۇزەگە اسىرۋدا ءبىزدىڭ وقۋ ورنىمىز دا وزىندىك ۇلەس قوسىپ كەلەدى.
وبلىسىمىزعا اسا قاجەت مامان كادرلار دايىندايتىن اگروتەحنيكالىق كوللەدجدە 1500 استام ستۋدەنتتەر ءبىلىم الۋدا. وقىتۋدىڭ قت ست ISO 9001-2016 «ساپا مەنەدجمەنتى جۇيەلەرى. تالاپتار» جۇيەسى وقۋ-تاربيە پروتسەسىنە تولىقتاي ەنگىزىلدى. كوللەدجدەر اراسىندا رەسپۋبليكادا العاشقىلاردىڭ ءبىرى بولىپ ينستيتۋتتىق اككرەديتاتسيا كۋالىگىنە يە بولۋىمىز حالىقارالىق دارەجەدەگى كاسىبي بىلىكتى ماماندار دايىنداۋعا مۇمكىندىك بەرىپ وتىر.
«قازاقستان رەسپۋبليكاسىنداعى ءبىلىم بەرۋدى دامىتۋدىڭ 2011-2020 جىلدارعا ارنالعان مەملەكەتتىك باعدارلاماسىنىڭ» باستى ماقساتى – ءبىلىم ساپاسىن كوتەرۋ. وسى ورايدا, كوللەدج اكىمشىلىگى وبلىسىمىزدىڭ 70-تەن استام ءوندىرىس مەكەمەلەرى جانە شەتەل كومپانيالارىمەن تىعىز بايلانىستا بولۋىنىڭ ناتيجەسىندە وقۋ-وندىرىستىك, تەحنولوگيالىق, ديپلومالدى تاجىريبەلەرىن بازالىق مەكەمەدە وتكىزگەن ستۋدەنت جاستاردىڭ وندىرىستىك تاجىريبە جيناقتاۋىنا جانە وقۋىن بىتىرگەسىن مەكەمەلەردە ماماندىعىنا سايكەس جۇمىسقا ورنالاسۋىنا مۇمكىندىك جاساپ وتىر. بۇل جۇمىس كاسىبي بىلىكتى مامان دايىنداپ قانا قويماي, سونىمەن بىرگە ءبىلىم ساپاسىن كوتەرۋگە مۇمكىندىك بەرەدى. وسىنداي باعىتتاعى جۇمىستاردى حالىقارالىق دارەجەدە دە ىسكە اسىرۋدى باستادىق. رەسەي فەدەراتسياسىنىڭ استراحان قالاسىندا ورنالاسقان تەڭىز جانە وزەن كولىگى كاسپي ينستيتۋتى بازاسىندا ءبىزدىڭ «كەمە جۇرگىزۋشى» ماماندىعىنىڭ ستۋدەنتتەرى تاجىريبەدەن ءوتىپ, حالىقارالىق سەرتيفيكاتقا يە بولادى. بۇل وسى ماماندىق تۇلەكتەرىنىڭ تولىق ماماندىعىنا ساي قاشاعان كەنىشى سىندى باسقا دا ءوندىرىس ورىندارىنا جۇمىسقا ورنالاسۋىنا مۇمكىندىك بەرەدى. سونىمەن بىرگە كادرلار دايىنداۋدىڭ دۋالدى جۇيەسىن وقۋ-تاربيە پروتسەسىنە ەنگىزۋ باعىتىندا ءبىرشاما يگى شارا اتقارىلۋدا. «جۇمىسپەن قامتۋ-2020», «ديپلوممەن – اۋىلعا!» مەملەكەتتىك باعدارلامالارى جوسپارلى تۇردە جۇزەگە اسىپ كەلەدى.
ءبىلىم جانە عىلىم مينيسترلىگىنىڭ تاپسىرماسىنا سايكەس, «2011-2020 جىلدارعا ارنالعان ءبىلىم بەرۋدى دامىتۋدىڭ مەملەكەتتىك باعدارلاماسى» اياسىندا وقۋ-تاربيە جۇيەسىندە ەلەكتروندى وقىتۋ جۇيەسىنىڭ قاناتقاقتى جوباسى ىسكە قوسىلدى. تەحنيكالىق جاعىنان تولىقتاي قامتاماسىز ەتىلدى. كوللەدج بازاسى مەملەكەتتىك بيۋدجەت ەسەبىنەن ەلەكتروندى پوديۋم, 30 مونوبلوك, 20 كومپيۋتەر, 17 نوۋتبۋك, 3 ينتەراكتيۆتى پروەكتورمەن تولىقتىرىلدى. سونىمەن بىرگە كوللەدج ەسەبىنەن وقۋ كابينەتتەرىنە ارنالعان 12 ينتەراكتيۆتى تاقتا الىندى. كوللەدجىمىز بويىنشا بارلىق مونوبلوك پەن نوۋتبۋكتەر سىمسىز ينتەرنەت جەلىسىنە (WiFi) قوسىلدى.
ەلەكتروندى وقىتۋ جۇيەسى پلاتفورماسى وقۋ پروتسەسىن باسقارۋعا, ياعني كادرلارمەن ءبىلىم الۋشىلار كونتينگەنتىمەن جۇمىس, وقۋ, ءىس قاعازداردى جۇرگىزۋ سياقتى ۇدەرىستەردى اۆتوماتتاندىرۋعا مۇمكىندىك بەرەدى. ارنايى ەلەكتروندى پورتال جاساقتالىپ, پورتالعا كەز كەلگەن ادام كىرىپ, مالىمەتپەن تانىسا الادى, سونىمەن بىرگە كوللەدج ستۋدەنتتەرى مەن اتا-انالارىنىڭ وزدەرىنە بەرىلگەن جەكە لوگيندەرى ارقىلى وقۋ بارىسىن قاداعالاپ وتىرۋىنا مۇمكىندىك جاسالعان.
الەمدىك دەڭگەيدەگى ساياسي وقيعالاردى, زامان تالابىنا ساي بولىپ جاتقان رۋحاني-الەۋمەتتىك وزگەرىستەردى ەسكەرە وتىرىپ, وتانىن سۇيەتىن, ءوز ءتىلى مەن ادەت-عۇرپىن سىيلايتىن, ءارتۇرلى ۇلت وكىلدەرىنىڭ سالت-ءداستۇرىن قۇرمەتتەيتىن بىلىكتى, مادەنيەتتى جاستاردى تاربيەلەۋ جۇمىسى وسىنداي وقۋ ورىندارى قابىرعاسىندا جۇزەگە اسىرىلاتىندىعىن باسا ايتقىم كەلەدى. بۇگىنگىنىڭ تالابى تەك بىلىكتى مامان دايىنداۋ ەمەس, ادامگەرشىلىگى مول, ادامي قاسيەتتەرى تانىلعان تۇلعا تاربيەلەۋ.
يسلام جانۇزاقوۆ,
تەحنيكا عىلىمدارىنىڭ دوكتورى, پروفەسسور
اتىراۋ
