وسى ورايدا رەتتەۋشى تاراپىنان جۇرگىزىلەتىن باقىلاۋ ەكىنشى دەڭگەيلى بانكتەر (ەدب) پرۋدەنتسيالدىق نورماتيۆتەرىن ساقتاپ, پروبلەمالىق نەسيەنى ازايتۋعا سەپتىگىن تيگىزۋ كەرەك.
سونداي-اق حالىقارالىق قارجى ورتالىعىنىڭ جۇمىسىن ىسكە قوسۋ اياسىندا بىرنەشە كۆازيمەملەكەتتىك كومپانيانىڭ اكتسيالارىن IPO-عا شىعارۋ قور نارىعىن دامىتىپ, كەڭ اۋقىمداعى ينۆەستورلاردىڭ قالىپتاسۋىنا جاعداي جاسايدى.
پرەزيدەنت مەملەكەتتىك ورگاندارعا قاراستى ۇيىمداردىڭ سانىن ازايتۋ ارقىلى جەكەشەلەندىرۋدى تەزدەتۋ كەرەكتىگىن اتاپ ءوتتى. مىسالى, ۇلىبريتانيادا جۇزدەگەن جاڭا كومپانيا ۇكىمەتتىك سەكتوردان شىعارىلىپ, جىلدىق قۇنى 1,5 ملرد دوللارعا جەتەتىن مەملەكەتتىك قىزمەت تۇرلەرىن كورسەتۋدە.
مەملەكەت باسشىسىنىڭ جولداۋىندا ەكونوميكا سالاسىن تسيفرلاندىرۋ ماسەلەسى كوتەرىلگەن. بۇل قازىرگى تاڭدا مەملەكەتتىك ورگاندار مەن جەكە سەكتور ۇلكەن اقپاراتتىق اعىنعا تاپ بولاتىنىنا بايلانىستى, بۇل ءوز كەزەگىندە كوپتەگەن تۇيتكىلدى ماسەلەلەردى تۋدىرىپ قانا قويماي, كەرىسىنشە, ولارعا ۇلكەن مۇمكىندىك جاسايدى.
ساۋاتتى قۇرىلىم مەن باسقارۋ بولسا, «ۇلكەن دەرەكتەر» باعالى اقپاراتقا جول اشادى, بۇل ءوز كەزەگىندە ءونىمنىڭ وزىندىك قۇنىن تومەندەتىپ, وندىرۋشىلىكتى ارتتىرادى.
تسيفرلى رەفورمانىڭ تاعى ءبىر قوزعاۋشىسى – حالىقتى ۋربانيزاتسيالاۋ. قالا حالقىنىڭ سانى كۇن ساناپ ارتۋىنا بايلانىستى قالا ينفراقۇرىلىمىنا ۇلكەن سالماق تۇسۋدە, بۇل قالا شىعىنىن وپتيميزاتسيالاۋ كەرەكتىگىن بىلدىرەدى.
قازاقستان قالالارىندا «سمارت سيتي» كونتسەپتسياسىن كەشەندى تۇردە ەنگىزۋ قالا شىعىنىن ازايتۋعا كومەكتەسەدى. تسيفرلاندىرۋ قازاقستان سەكىلدى ەلدەردىڭ قالالارىنا ۇلكەن پايدا تابۋعا كومەكتەسىپ, بيزنەس ۇردىستەردى قاشىقتىقتان باسقارۋعا سەپتەسەدى.
وسىلايشا, ەلباسى جولداۋىنداعى الەمدەگى سوڭعى ترەندتەردىڭ كورىنىس تابۋى كۇندەلىكتى قۇبىلعان الەمنىڭ سىن-تەگەۋرىندەرىنە جاۋاپ بەرۋگە مۇمكىندىك بەرەدى.
ايجان مۇقىشباەۆا,
قازاقستان رەسپۋبليكاسىنىڭ تۇڭعىش پرەزيدەنتى – ەلباسى قورى جانىنداعى الەمدىك ەكونوميكا جانە ساياسات ينستيتۋتىنىڭ جەتەكشى ساراپشىسى
