بۇگىنگى تاڭدا ەلىمىزدىڭ الەۋمەتتىك-ەكونوميكالىق دامۋىندا ۇلكەن ماڭىزعا يە – ءار وتباسىن تۇرعىن جايمەن قامتاماسىز ەتۋ جانە وعان مۇمكىندىك قالىپتاستىرۋ, سالىستىرمالى تۇردە تومەن جالاقى الاتىن جۇمىسشىلاردىڭ تابىسىن مولايتۋ ءۇشىن سالىق جۇكتەمەسىن ون ەسەگە ازايتىپ, ءبىر پايىزعا ءتۇسىرۋ, جوعارى بىلىمگە قولجەتىمدىلىكتى ارتتىرۋ جانە ونىڭ ساپاسىن كوتەرۋ, شاعىن جانە ورتا بيزنەسكە قولداۋ كورسەتۋ ءۇشىن جەڭىلدەتىلگەن شاعىن نەسيە كولەمىن ارتتىرۋ, ەلدىڭ ورتالىق جانە سولتۇستىك ايماقتارىنا گاز تارتۋ باعدارلامالارىنىڭ الەۋمەتتىڭ الەۋەتىن كوتەرۋگە قوسارى مول بولماق.
پرەزيدەنت سوڭعى جىلدارى قوعامداعى ماڭىزدى ماسەلەلەرگە جەكە-جەكە سالا بويىنشا باعدارلاما ارناپ كەلەدى. ساياساتتا سىندارلى رەفورمالار ىسكە اسىرىلدى. يدەولوگيادا بۇل «رۋحاني جاڭعىرۋ» تۇرىندە كورىنىس تاپتى. ەكونوميكا ءداستۇرلى جولداۋلاردىڭ بەرىك تەمىرقازىعى بولىپ كەلەدى. ەندى مىنە, بارلىق باعدارلامالاردىڭ باستى تىرەگى ىسپەتتى الەۋمەتتىك سالاعا تاعى دا ايرىقشا نازار اۋدارىلىپ وتىر.
جالپى, بەس باستامانىڭ بارلىعى بىردەي قالىڭ بۇقارانىڭ كوكەيىندە جۇرگەن, شەشىمىن كۇتىپ تۇرعان ومىرشەڭ ماسەلەلەر. «بەس الەۋمەتتىك باستاما» وسى باعىتتا جاقسى جوبالاردى ىسكە اسىرۋعا جول اشادى. الداعى ەلەۋلى جۇمىستارعا وراي زاڭنامالارعا, نورماتيۆتىك اكتىلەرگە دە ءتيىستى تۇزەتۋلەر جاسالماقشى. ءبىز اتالعان باستامالار ىشىنەن ەل ەكونوميكاسىنىڭ قوماقتى بولىگىن قۇرايتىن شاعىن جانە ورتا بيزنەسكە قارجىلاي قولداۋ كورسەتۋ تۋرالى ءسوز ەتسەك دەيمىز.
وبلىستىق ءماسليحاتتىڭ الداعى كەزەكتى سەسسياسىندا «ناتيجەلى جۇمىسپەن قامتۋدى جانە جاپپاي كاسىپكەرلىكتى دامىتۋدىڭ 2017-2021 جىلدارعا ارنالعان باعدارلاماسىن» قاراعاندى وبلىسىندا 2017 جىلى ىسكە اسىرۋ بارىسى تۋرالى» ماسەلە قارالماقشى. وبلىستا تۇراقتى جۇمىس ورىندارىن كوبەيتۋ, ازاماتتاردى وقىتۋ جانە قايتا وقىتۋ, سونداي-اق جاڭا جوبالاردى ىسكە اسىرۋ ءۇشىن كرەديتتەر ءبولۋ بويىنشا جۇيەلى جۇمىستار جۇرگىزىلۋدە. باعدارلامانى ىسكە اسىرۋعا 2017 جىلى 7,2 ملرد تەڭگە ءبولىندى. ەڭبەك نارىعىنداعى جاعداي تۇراقتى. جۇمىسسىزدىق دەڭگەيى وتكەن جىلدىڭ وسى مەرزىمىمەن سالىستىرعاندا تومەندەپ, 4,7%-دى قۇرادى.
شاعىن كاسىپكەرلىكتى قارجىلاندىرۋ ماسەلەلەرى قازاقستان ازاماتتارىنىڭ كاسىپكەرلىكپەن اينالىسۋىنا قولايلى قۇقىقتىق جانە ەكونوميكالىق جاعدايلار جاساۋ ماقساتىن كوزدەيدى. ءتورتىنشى الەۋمەتتىك باستامادا ەلباسى 2018 جىلى جەڭىلدەتىلگەن شاعىن نەسيە كولەمىن ارتتىرۋ ءۇشىن قوسىمشا 20 ميلليارد تەڭگە ءبولۋ كەرەك ەكەنىن ايتتى. بۇل ءوز كەزەگىندە شاعىن جانە ورتا بيزنەستى دامىتۋعا قوسىمشا تىڭ سەرپىن بەرەتىنى ءسوزسىز. ميكروكرەديتتەۋ شارۋاسىن ەندى باستاپ جاتقان كاسىپكەرلەر ءۇشىن باستى پروبلەما – ءوز ءىسىن اشۋعا قارجى كوزدەرىنىڭ قولجەتىمدىلىگىن شەشۋگە مۇمكىندىك بەرەدى. وتكەن جىلى 827 كاسىپكەر 4,5 ملرد تەڭگە كولەمىندە ميكروكرەديتتەر الدى. بۇل اۋىلدىق جەرلەردى دامىتۋعا, كوپتەگەن ماسەلەلەردى وڭتايلى شەشۋگە ىقپال ەتتى. 700 جاڭا جۇمىس ورىندارى اشىلدى.
جالپى, وڭىرلەردە شاعىن كاسىپكەرلىك پەن بيزنەستى دامىتۋ تەك حالىقتى جۇمىسپەن قامتاماسىز ەتىپ قانا قويماي, ولاردىڭ الەۋمەتتىك, رۋحاني, ەكونوميكالىق ىرگەلى ماسەلەلەرىن شەشۋگە ىقپالىن تيگىزەدى. جاڭا جۇمىس ورىندارىن شاعىن كاسىپكەرلىك پەن بيزنەس ارقىلى قالىپتاستىرۋ – حالىقتى كاسىپكەرلىك قىزمەت سالاسىنا دا بەلسەندى تۇردە تارتۋعا مۇمكىندىك بەرەدى. شاعىن بيزنەستىڭ نەگىزگى ماقساتى – حالىقتى جۇمىسپەن قامتۋ, ونىڭ الەۋمەتتىك ماسەلەلەرىن شەشۋ, ەڭبەككە دەگەن بەلسەندىلىگىن دامىتۋ.
جاڭا باستامالار, جاڭا الەۋمەتتىك جوبالار مەملەكەتىمىزدىڭ الدىنداعى جاڭا بەلەس جانە تاۋەلسىز مەملەكەتىمىزدىڭ الدىنا قويىلعان زامانا تالابى دەسەك تە بولادى. بۇل باستامالاردى ءبىز جاي عانا تالقىلاپ قويماي, وندا ايشىقتالعان تالاپتار مەن مىندەتتەردى ورىنداۋعا تالپىنعانىمىز ءجون. ونى قولداپ, ىسكە اسىرۋىمىز كەرەك.
سەرىك وتەشوۆ,
قاراعاندى وبلىستىق ءماسليحاتىنىڭ حاتشىسى
